Rathika Rose : నందమూరి బాలకృష్ణ నటించిన లేటెస్ట్ మూవీ భగవంత్ కేసరి. ఇవాళ థియేటర్లలో విడుదలైన ఈ చిత్రానికి ప్రేక్షకులు బ్రహ్మరథం పడుతున్నారు. అనిల్ రావిపూడి తెరకెక్కించిన ఈ సినిమా యాక్షన్ అండ్ ఎమోషనల్ కంటెంట్‌ తొలి షో నుంచే పాజిటివ్ టాక్ అందుకుంది. ‘అఖండ’, ‘వీర సింహా రెడ్డి’ వంటి బ్లాస్ బాస్టర్ హిట్లను ఖాతాలో వేసుకుని ఫుల్ ఫామ్‌తో ఉన్న బాలయ్య బాబు .. ఇప్పుడు తాజాగా ‘భగవంత్ కేసరి’తో హ్యాట్రిక్ హిట్ను అందుకున్నాడు. టాలీవుడ్ చందమామ కాజల్ అగర్వాల్ ఈ సినిమాలో బాలయ్య సరసన నటించింది. ఇక టాలీవుడ్ మోస్ట్ హాప్పెనింగ్ హీరోయిన్ శ్రీలీల బాలయ్యకు కూతురిగా ఈ సినిమాలో అదరగొట్టింది. బాలీవుడ్ నటుడు అర్జున్ రాంపాల్ చిత్రంలో ఇతర కీలక పాత్రలు పోషించారు. ఈ చిత్రాన్ని షైన్ స్క్రీన్స్ బ్యానర్‌పై సాహు గారపాటి, హరీష్ పెద్ది నిర్మించారు.
అయితే ఈ సినిమాలో బిగ్బాస్ బ్యూటీ ఓ పవర్ ఫుల్ పాత్రలో కనిపించిందట. ఇంతకీ ఆమె ఎవరంటే.. ఇంకెవరు..? బిగ్బాస్ హౌసులోకి ఎంట్రీ ఇచ్చిన నాలుగు వారాల్లో హౌస్లో ఉన్న మేల్ కంటెస్టెంట్ల గుండెతో పాటు యావత్ తెలుగు యువకుల గుండె కొల్లగొట్టి.. నాలుగు వారాల్లోనే ఎలిమినేట్ అయి మళ్లీ రెండు వారాలు తిరక్క ముందే హౌస్లోకి గ్రాండ్గా రీ ఎంట్రీ ఇచ్చిన రతికా రోజ్. అయితే ఈ బ్యూటీ ఆ చిత్రంలో ఉన్నట్లు ప్రచార కార్యక్రమాల్లో కానీ.. ట్రైలర్లో కానీ కనిపించలేదు. కానీ సినిమా విడుదలైన తర్వాత ఈ భామ భగవంత్ కేసరిలో కనిపించినట్లు ప్రేక్షకులు చెబుతున్నారు. ఈ విషయం తెలిసి రతిక ఫ్యాన్స్ ఫుల్ ఖుష్ అవుతున్నారు. ఈ భామ ఆ సినిమాలో ఏ పాత్రలో నటించిందని తెలుసుకునేందుకు వెంటనే టికెట్ బుక్ చేసుకుని మరి సినిమాకు వెళ్తున్నారు. మరి ఇంతకీ ఈ భామ ఆ సినిమాలో ఏ పాత్రలో కనిపించిందంటే..?
భగవంత్ కేసరిలో రతికా రోజ్ ఓ ప్రాంతానికి చెందిన ఎమ్మెల్యేగా కనిపించిందట. ఎక్కువ సేపు స్క్రీన్ టైమ్ లేకపోయినా.. పాత్ర పవర్ ఫుల్గా ఉందట. కనిపించిన కాసేపైనా సరే ఈ బ్యూటీ.. ప్రేక్షకులను ఆకట్టుకుందనే టాక్ నడుస్తోంది. బాలయ్య సినిమాలో రతికను ఇలా చూసిన వాళ్లంతా ఈ బ్యూటీ బంపర్ ఆఫర్ కొట్టేసింది అంటూ మాట్లాడుకుంటున్నారు. ఇక బిగ్బాస్ హౌస్లో పల్లవి ప్రశాంత్, యావర్‌తో ప్రేమాయణం.. ఆ తర్వాత మరీ ముఖ్యంగా ప్రశాంత్తో విడిపోయి దారుణంగా గొడవ పడటం అంతా సోషల్ మీడియాలో ట్రెండింగ్ అయిన విషయం తెలిసిందే. ఇక అంతకుముందు బయట సింగర్ రాహుల్ సిప్లిగంజ్తో ప్రేమ.. బ్రేకప్ గురించి కూడా నెట్టింట తెగ చర్చ నడిచింది.