మజిలీ సినిమాతో టాలీవుడ్లో ఎంట్రీ ఇచ్చింది దివ్యాంశ కౌశిక్. ఆ మూవీలో కేవలం ఫస్ట్ హాఫ్లోనే కనిపించినా Divyansha Kaushik.. కనిపించిన కాసేపు మాయ చేసింది. కుర్రకారు మదిని దోచేసింది. ఉత్తరాఖండ్ ముస్సోరిలో జన్మించిన దివ్యాంశ మజిలీ సినిమా తరువాత సిద్దార్థ్ నటించిన టక్కర్ సినిమాతో తమిళంలో అరంగేట్రం చేసింది.
దాదాపు మూడేళ్ల తర్వాత ఈ ముద్దుగుమ్మ “రామారావు ఆన్ డ్యూటీ” చిత్రంతో తెలుగు సినిమాకు రీ ఎంట్రీ ఇచ్చింది. శరత్ మండవ దర్శకత్వంలో తెరకెక్కిన “రామారావు ఆన్ డ్యూటీ” చిత్రం బాక్సాఫీస్ వద్ద నిలదొక్కుకోలేకపోయిన ఈ బ్యూటీ అందం, అభినయానికి మంచి మార్కులే పడ్డాయి.
‘రామారావు ఆన్ డ్యూటీ’ సినిమాలో సంప్రదాయ భార్య పాత్రలో దివ్యాంశ కనిపించింది. ఈ సినిమాలో మాస్ మహారాజా రవితేజ‌తో ముద్దు సీన్‌లో నటించింది. దివ్యాంశ కౌశిక్ నటించిన మూడో తెలుగు సినిమా ‘మైఖేల్’ త్వరలో రాబోతోంది. ఈ సినిమాలోనూ హీరో సందీప్ కిషన్‌తో లిప్‌లాక్ చేసింది ఈ బ్యూటీ.
ప్రస్తుతం ఈ భామ చేతినిండా అవకాశాలతో ఈ ఇయర్ కేలండరను తన కాల్షీట్స్తో నింపేసింది. కేవలం తెలుగు చిత్రాలు మాత్రమే కాకుండా తమిళ సినిమాల్లోనూ అవకాశాలు వస్తున్నాయి. అందం, అభినయం సమపాళ్లలో ఉన్న దివ్యాంశ తన స్పీడ్ పెంచడం అభిమానులకు ఆనందం కలిగించే విషయం.