తెలుగు చలన చిత్ర పరిశ్రమలో ఎంతో మంది క్యారక్టర్ ఆర్టిస్టులు ఉండొచ్చు, కానీ కొంతమంది క్యారక్టర్ ఆర్టిస్టులు మన మధ్య ఉన్నా, లేకపోయినా తరతరాలు వారి గురించి మాట్లాడుకునే స్థాయిని సంపాదించుకొని ఉంటారు. ఎస్వీ రంగారావు గారిని నేటి తరం యువకులు ఎవ్వరూ చూడలేదు, కానీ ఆయనని మహానటుడు అని సంబోధిస్తారు, ఆయన చేసిన పాత్రలు అలాంటివి.
ఆ స్థాయి దక్కించుకున్న ఆర్టిస్టులు మన టాలీవుడ్ లో కొంతమంది మాత్రమే ఉన్నారు, వారిలో కోటా శ్రీనివాసరావు కూడా ఒకడు. సుమారుగా నాలుగు దశాబ్దాల పైన నుండి ఇండస్ట్రీ లో కొనసాగుతున్న ఈ లెజండరీ ఆర్టిస్ట్ నటనకి కోట లాంటి వాడు. ఆయన పోషించిన పాత్రలు నటీనటులకు ఒక పుస్తకం లాంటిది.విలనిజం అయినా, సెంటిమెంట్ అయినా , కామెడీ అయినా ఇలా నవరసాల్లో ఏ కోణం ని తీసుకున్న అందులో పరకాయ ప్రవేశం చేసి జీవం పొసే మహానటుడు ఆయన.
నటుడిగా కోటాశ్రీనివాసరావు ని ఇష్టపడని సెలబ్రిటీ ఉండదు , ప్రేక్షకుడు ఉండదు. అయితే కోట లో ఉన్న కొన్ని చెడు అలవాట్లు ఇండస్ట్రీ లో ఉన్న కొంతమందికి నచ్చదు. రీసెంట్ గా ఆయన ఇచ్చిన ఒక ఇంటర్వ్యూ లో మెగాస్టార్ చిరంజీవి తో తనకి ఎదురైన ఒక సంఘటన గురించి చెప్పుకొచ్చాడు.
‘మా అబ్బాయి చనిపోయిన తర్వాత నేను తాగుడికి బాగా బానిసని అయ్యాను, షూటింగ్ స్పాట్ కి వచ్చినప్పుడల్లా నాపై చిరంజీవి బిగ్గరగా అరిచేవాడు. ఏంటి మందు బాగా తాగుతున్నావు అంట, మానెయ్ అయ్యా, గొప్ప నటుడివి, కళామ్మ తల్లి కి నీ అవసరం ఇంకా చాలా ఉంది అనేవాడు. నా బిడ్డ చనిపోయినప్పుడు కూడా ఆయన చాలా బాధపడ్డాడు. ఆయన అంటే నాకు ఎప్పటికీ మంచి గౌరవం’ అంటూ చెప్పుకొచ్చాడు. కోటా మాట్లాడిన ఆ మాటలు ఇప్పుడు సోషల్ మీడియా లో వైరల్ గా మారాయి.
