Amardeep : బిగ్ బాస్ హౌస్ లో ఈ వారం కెప్టెన్సీ టాస్కు ఎంత ఆసక్తికరంగా, ఫన్నీ గా సాగుతుందో మనమంతా చూస్తూనే ఉన్నాం. బిగ్ బాస్ సతీమణి ని ఎవరో చంపేశారని, ఆ చంపినా వ్యక్తి ఎవరో కనుక్కోవాలి అంటూ బిగ్ బాస్ అమర్ దీప్ మరియు అర్జున్ ని పోలీస్ వేషాలు వేసుకొని కనిపెట్టమంటాడు. ఆ తర్వాత కంటెస్టెంట్స్ అందరిని ఇన్వెస్టిగేట్ చేస్తూ అర్జున్ మరియు అమర్ దీప్ పుట్టించిన కామెడీ మామూలు రేంజ్ లో లేదు.
మధ్యలో శివాజీ మరియు అమర్ మధ్య జరిగిన సంభాషణలు కూడా చాలా ఫన్నీ గా ఉన్నాయి. బిగ్ బాస్ శివాజీ కి సీక్రెట్ టాస్కు ఇస్తూ పల్లవి ప్రశాంత్ ని చంపేయమంటాడు. శివాజీ పల్లవి ప్రశాంత్ ని చంపేసి స్టోర్ రూమ్ లో దాచిపెడుతాడు. ఇది ఎస్ఐ గా ఉన్న అమర్ దీప్ కనిపెట్టేస్తాడు. అలా వరుసగా రెండు మర్డర్లు శివాజీ చేతిలో జరిగేలోపు ఆయన్ని బిగ్ బాస్ జైలులోకి పంపుతాడు.
ఈ టాస్క్ ఇలా ఫన్నీ వే లో జరుగుతున్న సమయం లో శోభా శెట్టి మరియు అమర్ దీప్ మధ్య చిన్న గొడవ జరుగుతుంది. మధ్యలో అశ్వినీ రావడం వల్ల అమర్ దీప్ ఆమె మీదకి కూడా అరుస్తాడు. అయితే ఈ టాస్కు జరుగుతున్న సమయం లో అమర్ దీప్ కి అస్వస్థత రావడం తో ఈరోజుకి టాస్కు ని నిలిపివేశారు. దీనిపై సోషల్ మీడియా శివాజీ ఫ్యాన్స్ ఫైర్ అవుతున్నారు.
మర్ దీప్ మాత్రమే ఎందుకు ఇన్ని సౌకర్యాలు?, శివాజీ కి ఇలాగే చెయ్యి బాగాలేనప్పుడు టాస్కులు ఆపేసారా?, ఇదెక్కడి న్యాయం అంటూ కామెంట్స్ చేస్తున్నారు. మరోపక్క ఈ కెప్టెన్సీ టాస్కు లో ప్రియాంక కి ఒక సీక్రెట్ టాస్క్ ఇచ్చారు. ఇందులో ఆమె గెలుస్తుందో లేదో తెలియాలంటే రేపటి వరకు ఆగాల్సిందే. అలాగే ఇంటికి చివరి కెప్టెన్ గా ఎవరు నిలుస్తారు అనేది కూడా ఆసక్తిని రేపుతోంది.