నట సింహం బాలకృష్ణ గురించి ప్రత్యేక పరిచయం అక్కర్లేదు.. మాస్ సినిమాలకు కెరాఫ్.. ఆయన చెప్పే పవర్‌ఫుల్‌ డైలాగులు థియెటర్లను దద్దరిల్లేలా చేస్తాయి.. ఈ మధ్య రొమాన్స్ కూడా చేస్తానంటున్నారు బాలయ్య.. హీరోయిన్లతో రొమాంటిక్ సాంగులలో స్టెప్పులు వేస్తూ కేక పెట్టిస్తున్నారు. మొన్నీమధ్య వచ్చిన అఖండ సినిమాతో భారీ విజయాన్ని తన ఖాతాలో వేసుకున్నాడు బాలయ్యా.. ఆ సినిమా ఏకంగా 200 కోట్ల కలెక్షన్స్ ను రాబట్టింది.. ఈ సినిమా తర్వాత ఇప్పుడు మరో సినిమాలో చేస్తున్నాడు. బాలకృష్ణ నటిస్తున్న తాజా చిత్రం ‘వీరసింహారెడ్డి‘( Veerasimha Reddy ) మరో నెల రోజుల్లో ప్రేక్షకుల ముందుకు రాబోతుంది.
ఈ సినిమాను డైరెక్టర్ గోపీచంద్ మలినేని తెరకెక్కిస్తుండగా, పూర్తి ఫ్యాక్షన్ ఎంటర్‌టైనర్‌గా ఈ సినిమాను రూపొందిస్తున్నారు.. ఇక ఈ సినిమాలో బాలయ్య పాత్రను పవర్‌ఫుల్‌గా తీర్చిదిద్దారు చిత్ర యూనిట్.. ఇక ఈ సినిమా నుండి తాజాగా మరో ఇంట్రెస్టింగ్ అప్డేట్‌ను చిత్ర యూనిట్ అనౌన్స్ చేసింది. ఈ సినిమాలోని రెండో సింగిల్ సాంగ్‌ను డిసెంబర్ 15న ఉదయం 9.42 గంటలకు రిలీజ్ చేసేందుకు చిత్ర యూనిట్ రెడీ అయ్యింది.
ఈ పాట పూర్తి రొమాంటిక్ సాంగ్‌గా రాబోతున్నట్లు తాజాగా రిలీజ్ చేసిన పోస్టర్ చూస్తేఅర్థమవుతోంది. అందాల భామ శ్రుతి హాసన్‌తో కలిసి బాలయ్య అదిరిపోయే స్టెప్స్ వేస్తున్నట్లు ఈ పోస్టర్‌లో కనిపిస్తుంది.. మాస్ గా కనిపించే బాలయ్య ఇలా కనిపించడం పై కొందరు విమర్శలు చేస్తే మరికొంతమంది మాత్రం ప్రశంసలు కురిపిస్తున్నారు..ఇప్పటివరకు సినిమా నుంచి బయటకు వచ్చిన అన్నీ కూడా సినిమా పై హైఫ్ ను క్రియేట్ చేస్తున్నాయి..
ఇక థమన్ సంగీతం అందిస్తున్న ‘వీరసింహారెడ్డి’ బాక్సాఫీస్ వద్ద ఎలాంటి సెన్సేషన్ క్రియేట్ చేస్తుందా అని అభిమానులు ఆసక్తిగా ఎదురుచూస్తున్నారు. ఈ సినిమాలో బాలయ్య రెండు విభిన్న పాత్రల్లో నటిస్తుండగా.. దునియా విజయ్, వరలక్ష్మీ శరత్ కుమార్ తదితరులు ఇతర ముఖ్య పాత్రల్లో నటిస్తున్నారు.. ఈ సినిమా నుంచి ఇప్పటివరకూ విడుదల అయిన అన్నీ మంచి టాక్ ను అందుకున్నాయి. అంతేకాదు సినిమా స్టోరీ కూడా మాస్ ఫ్యాన్స్ కు ఊపునిస్తుందని చిత్ర యూనిట్ అభిప్రాయపడుతున్నారు.. చూడాలి మరి సంక్రాంతికి థియెటర్లు దద్దరిల్లిపోతాయో..