Anirudh : ప్రస్తుతం దేశమంతా మార్మోగి పోతున్న పేరు అనిరుధ్. అతి పిన్న వయసులోనే స్టార్ మ్యూజిక్ డైరెక్టర్గా ఎంతో పేరు ప్రఖ్యాతలు సంపాదించుకున్నాడు. తాజాగా ఆయన సంగీత సారథ్యంలో ప్రేక్షకుల ముందుకు వచ్చినటువంటి జైలర్, జవాన్ సినిమాలు బాక్సాఫీస్ వద్ద ఏలాంటి సక్సెస్ అందుకున్నాయో ప్రత్యేకంగా చెప్పాల్సిన పని లేదు. ఈ సినిమాల ద్వారా అనిరుధ్ తన మ్యూజిక్ తో జనాలను మ్యాజిక్ చేశాడు. ఆయన తదుపరి చిత్రం లియో. విజయ్ దళపతి ఈ సినిమాలో హీరోగా నటిస్తున్నారు. షూటింగ్ కంప్లీట్ చేసుకుని విడుదలకు సిద్ధంగా ఉంది. దాంతో పాటు తెలుగులో ఎన్టీఆర్ హీరోగా నటిస్తున్న దేవరకి కూడా ఆయనే మ్యూజిక్ డైరెక్టర్.
ప్రస్తుతం ఒక్కో సినిమాకు సుమారు 10 కోట్ల రూపాయలకు పైగా రెమ్యూనరేషన్ తీసుకుంటూ చిన్న వయసులో టాప్ మ్యూజిక్ డైరెక్టర్ల జాబితాలో చేరిపోయాడు. తాజాగా లోకేష్ కనగారాజ్ హీరో విజయ్ కాంబోలో తెరకెక్కిన లియో సినిమా లిరికల్ వీడియో ఈవెంట్ ఇటీవల జరిగింది. ఈ సందర్భంగా ఒక వీడియోని మేకర్స్ విడుదల చేశారు. ఈ వీడియోకి సంబంధించిన బ్యాక్ గ్రౌండ్ మ్యూజిక్ అనిరుధ్ కాపీ కొట్టారంటూ పెద్ద ఎత్తున్న ట్రోలింగ్ మొదలు పెట్టారు.
అనిరుధ్ గతంలో బుల్లితెరపై సంచలనం సృష్టించిన మొగలిరేకులు సీరియల్ బ్యాక్ గ్రౌండ్ మ్యూజిక్ కాపీ కొట్టారని ఆధారాలతో సహా చూపిస్తూ నెటిజన్స్ ట్రోలింగ్ స్టార్ట్ చేశారు. ఇప్పటి వరకు తమన్ మాత్రమే కాపీ క్యాట్ అనుకున్నం.. ఆయన జంటకు నువ్వు చేరావా అంటూ కామెంట్స్ చేస్తున్నారు. ఈ వీడియోకు అనిరుధ్ అందించిన బ్యాక్ గ్రౌండ్.. మక్కీకి మక్కి మొగలిరేకులు సీరియల్ పోలీస్ ఆఫీసర్ ఆర్కే నాయుడు వెహికల్ లో వెళ్తున్న టైంలో వచ్చే బ్యాక్ గ్రౌండ్ మ్యూజిక్ లాగానే ఉంది. ఈ సీరియల్ నుంచి అనిరుధ్ దానిని కాపీ కొట్టారంటూ ట్రోల్ చేస్తున్నారు.