Pushpa 2 : టాలీవుడ్ ఆడియన్స్ మాత్రమే కాకుండా, బాలీవుడ్ , కోలీవుడ్ మరియు మాలీవుడ్ ఆడియన్స్ కూడా ఎంతో ఆతృతగా ఎదురు చూస్తున్న పాన్ ఇండియన్ సినిమాలలో ఒకటి స్టైలిష్ స్టార్ అల్లు అర్జున్ హీరో గా నటించిన ‘పుష్ప : ది రూల్’ చిత్రం. ఇప్పటికే ఈ సినిమాకి సంబంధించిన ఫస్ట్ లుక్ మరియు గ్లిమ్స్ వీడియో కి ఫ్యాన్స్ నుండి వేరే లెవెల్ రెస్పాన్స్ వచ్చింది.
బాహుబలి సినిమా సీక్వెల్ కోసం ఎంతలా అయితే ఎదురు చూసారో, ‘పుష్ప : ది రూల్’ చిత్రం కోసం కూడా అంతే ఆతృతగా ఎదురు చూస్తూ ఉన్నారు. ఈ సినిమా ఫస్ట్ లుక్ లో అల్లు అర్జున్ చీర గెటప్ లో కనిపించిన లుక్ ఫ్యాన్స్, ఆడియన్స్ కి మైండ్ బ్లాక్ అయ్యేలా చేసింది. ఈ లుక్ ని చూసిన ప్రతీ ఒక్కరు అల్లు అర్జున్ డెడికేషన్ కి సెల్యూట్ చేసారు.
ఈ లుక్ లో ఉన్న సన్నివేశం జాతర కి సంబంధించినది అని తెలుస్తుంది. అయితే ఈ సినిమా లేటెస్ట్ షెడ్యూల్ నుండి ఒక ఫోటో సోషల్ మీడియా లో లీక్ అయ్యింది. ఇందులో షూటింగ్ గ్యాప్ లో అల్లు అర్జున్ మూవీ యూనిట్ తో కూర్చున్నప్పుడు కూడా చీర వేసుకొనే ఉన్నాడు. అంటే అల్లు అర్జున్ ఈ సినిమా లో చీర లుక్ తో కేవలం ఒక్క సన్నివేశం లో మాత్రమే కాదు, ఎన్నో సన్నివేశాల్లో కనిపిస్తాడు అన్నమాట.
ఒక సన్నివేశం అయితే తీసుకోగలరు కానీ, అన్ని సన్నివేశాల్లో ఒక స్టార్ హీరో చీర లుక్ లో కనిపిస్తే ఆడియన్స్ ఎలా తీసుకోగలుతారు అనేదే ఇప్పుడు పాయింట్. మరోపక్క సినిమా నుండి జరుగుతున్న ఈ లీక్స్ ని చూసి మూవీ మేకర్స్ చాలా ఫైర్ మీద ఉన్నారట. లీక్ చేసిన వారిపై కఠినచర్యలు తీసుకుంటామని అంటున్నారు.
