Shaakuntalam : ఐకాన్ స్టార్ అల్లు అర్జున్ కూతురు అల్లు అర్హ శాకుంతలం సినిమాతో వెండితెరపై ఎంట్రీ ఇస్తున్న సంగతి తెలిసిందే. ఈ క్యూటీ ఫొటోలు అల్లు అర్జున్-స్నేహ తరచూ సోషల్ మీడియాలో షేర్ చేస్తూ ఉంటారు. అందుకే అర్హ సోషల్ మీడియాలోనూ చాలా ఫేమస్. తన బుజ్జి బుజ్జి మాటలతో.. క్యూట్ క్యూట్ ఎక్స్ప్రెషన్స్తో అల్లు అర్జున్తో అర్హ చేసే అల్లరి నెటిజన్లకు సుపరిచతమే. అయితే అర్హ ఇప్పుడు తన మొదటి సినిమా కోసం రెడీ అవుతోంది.
గుణ శేఖర్ డైరెక్షన్లో టాలీవుడ్ స్టార్ హీరోయిన సమంత ప్రధాన పాత్రలో నటిస్తున్న శాకుంతలం సినిమాలో అల్లు అర్హ ఓ కీలక పాత్రలో నటిస్తోంది. పురాణాల్లోని దుశ్యంతుడు-శకుంతల కథని శాకుంతలం సినిమాగా తెరకెక్కిస్తున్నారు దర్శకుడు. అయితే అర్హ ఈ సినిమాలో శకుంతల తనయుడు భరత రాజు చిన్నప్పటి క్యారెక్టర్ చేసినట్టు సమాచారం. ఈ చిత్రబృందం రిలీజ్ చేసిన ట్రైలర్లో చివరగా ఓ సింహంపై అర్హ వస్తూ కనిపిస్తుంది. ఈ ట్రైలర్లో అర్హ ఎంట్రీ హైలైట్ అని చెప్పుకోవచ్చు.
ఇప్పుడు ఈ సినిమాకు సంబంధించి డబ్బింగ్ పనుల్లో బిజీగా ఉంది అర్హ. శాకుంతలం సినిమాలో తన పాత్రకు డబ్బింగ్ చెప్పుకుంది అల్లు అర్హ. దానికి సంబంధించిన ఫొటోను తన తల్లి స్నేహారెడ్డి ఇన్‌స్టాగ్రామ్ స్టోరీలో పోస్ట్ చేసింది. ఆ ఫొటోని అల్లు అర్జున తన స్టోరీలో కూడా షేర్ చేసి తన కూతురు డబ్బింగ్ చెబుతోందని తెగ మురిసిపోతున్నాడు. ఈ ఫొటో ఇప్పుడు సోషల్ మీడియాలో వైరల్ గా మారింది. అటు బన్నీ అభిమానులు కూడా ఈ సినిమా కోసం ఈగర్గా వెయిట్ చేస్తున్నారు.
శాకుంతలం సినిమా ఇప్పటికే షూటింగ్ పూర్తి చేస్తుకుని పోస్ట్ ప్రొడక్షన్ పనులు మొదలుపెట్టింది. మరో పక్క ప్రమోషన్స్ కూడా మొదలుపెట్టారు చిత్రయూనిట్. ఇటీవలే ఈ సినిమా నుంచి ట్రైలర్, ఓ సాంగ్ రిలీజ్ చేశారు. ట్రైలర్ లో అర్హ సింహంపై కూర్చొని రావడంతో.. సినిమాపై ఇంకా ఇంట్రెస్ట్ క్రియేట్ అయ్యింది ఆడియన్స్ లో.
ఇక ట్రైలర్ కూడా అందరిని ఆకట్టుకుంటుంది. విజువల్ వండర్లా అనిపించడంతో.. శాకుంతలం సినిమాపై అంచనాలు పెరిగిపోతున్నాయి. ఈ సినిమా ఫిబ్రవరి 17న ప్రపంచ వ్యాప్తంగా థియేటర్లలో రిలీజ్ కానుంది.