Actress Priyanka : తెలుగులో పలు సీరియల్స్ లో కనిపించి మంచి గుర్తింపు తెచ్చుకున్న నటి ప్రియాంక గురించి ఓ వార్తలు చక్కర్లు కొడుతున్న సంగతి తెలిసిందే.. మలేషియా లో తన ప్రియుడ్ని పెళ్లి చేసుకుందని సోషల్ మీడియాలో వార్తలు చక్కర్లు కొడుతున్న విషయం అందరికి తెలుసు.. తాజాగా ఈ విషయం పై నటి ప్రియాంక స్పందించింది.. సీక్రెట్ మ్యారేజ్ గురించి వివరిస్తూ ఒక వీడియోను సోషల్ మీడియాలో వదిలింది. ప్రస్తుతం ఆ వీడియో నెట్టింట వైరల్గా మారింది..ప్రియాంక నల్కారి గురువారం (మార్చి 23న) పెళ్లి చేసుకున్న సంగతి తెలిసిందే..
తాను ప్రేమించిన వ్యక్తితో ఎలాంటి ఆడంబరం లేకుండా మలేషియాలోని మురుగన్ ఆలయంలో సింపుల్గా ప్రియాంక తాళి కట్టించుకుంది. ఆ ఫొటోలను తన ఇన్స్టాగ్రామ్ పోస్ట్ చేసి అభిమానులకు షాకిచ్చింది. అయితే, ప్రియాంక తన కుటుంబ సభ్యులకు తెలియకుండా రహస్యంగా పెళ్లి చేసుకున్నట్లు వార్తలు వచ్చాయి. ఈ నేపథ్యంలో ప్రియాంక ఎట్టకేలకు.. అసలు విషయం చెప్పింది. తనది రహస్య వివాహం కాదని, పెద్దల అంగీకారంతోనే చేసుకున్నానని వెల్లడించింది.. ప్రియాంక పెళ్లి చేసుకున్న వ్యక్తి రాహుల్ వర్మ అనే ఓ వ్యాపారవేత్త అని తెలిసింది. ఇతడు కూడా తెలుగులో పలు సీరియల్స్లో నటించాడని, అప్పుడే వారిద్దరి మధ్య ప్రేమ చిగురించిందని తెలిసింది. అయితే, వీరికి 2018లోనే ఎంగేజ్మెంట్ జరిగింది.
అయితే, ఆ సమయంలో ప్రియాంక టీవీ సీరియళ్లలో బిజీగా ఉండటంతో పెళ్లిని వాయిదా వేస్తూ వచ్చింది. దీంతో రాహుల్ ఎంగేజ్మెంట్ రద్దు చేసుకుని మలేషియా వెళ్లిపోయాడని అప్పట్లో వార్తలు వచ్చాయి. అయితే, ప్రియాంక తన పెళ్లితో వదంతులకు పుల్స్టాప్ పెట్టింది. ఆదివారం ఇన్స్టాగ్రామ్ లైవ్లోకి వచ్చిన ప్రియాంక అసలు విషయం చెప్పింది. రాహుల్, నేను.. మలేషియాలో పెళ్లి చేసుకుందామని నిర్ణయించుకున్నాం. పాస్పోర్ట్ సమస్యల వల్ల కుటుంబ సభ్యులు రాలేకపోయారు. మా ఇంట్లోవారంతా చాలా హ్యాపీ. త్వరలోనే చిన్న పార్టీ ఏర్పాటు చేస్తాం. ప్రస్తుతం రాహుల్ మలేషియాలో బిజీగా ఉన్నారు. ‘సీతారామన్’ సీరియల్ షెడ్యూల్ వల్ల నేను హైదరాబాద్కు వచ్చాను అని తెలిపింది..ఇక సీరియల్స్ విషయానికొస్తే. జీ-తమిళ్లో ప్రసారమయ్యే ‘సీతారామన్’ సీరియల్లో కూడా నటిస్తోంది. దీంతో ఆమె తెలుగు షోస్, సీరియళ్లలో కనిపించడం లేదు..