‘బిగ్ బాస్ 3’ కంటెస్టెంట్ హిమజ తన సొంతింటి కలను నెరవేర్చుకున్నారు. తన కృషితో, సంపాదనతో నాలుగంతస్తుల అందమైన ఇంటిని నిర్మించుకున్నారు. ఈ కొత్తింటిలోకి తాజాగా గృహప్రవేశం చేశారు. ఈ విషయాన్ని హిమజ స్వయంగా వెల్లడించారు. తాను గృహప్రవేశం చేసిన విషయాన్ని ఇన్‌స్టాగ్రామ్ ద్వారా హిమజ ప్రకటించారు. ఒక అందమైన ఫొటోను కూడా పోస్ట్ చేశారు.
హైదరాబాద్ లో ఉన్నత వర్గాలు ఉండే ఏరియాలో హిమజ ఇల్లు నిర్మించుకున్నారు. గృహప్రవేశ విషయాన్ని సోషల్ మీడియా వేదికగా తెలియజేశారు. కొత్త ఇల్లు కట్టుకోవడం అంటే కలలు సాకారం చేసుకోవడం. భవిష్యత్తులో ఎన్నో జ్ఞాపకాలు ఆ ఇంటితో ముడిపడి ఉంటాయి. సొంతింటి కల నెరవేర్చుకున్న నాకు నేను శుభాకాంక్షలు చెప్పుకుంటున్నాను… అని ఫోటో పోస్ట్ చేశారు. చేతిలో లక్ష్మీ దేవి ఫోటో పట్టుకున్న హిమజ ట్రెడిషనల్ వేర్లో కనిపించారు. పూజా కార్యక్రమాలు నిర్వహించినట్లు తెలిపారు.
ఇక గృహప్రవేశం చేసిన హిమజకు మిత్రులు, సన్నిహితులు, పరిశ్రమ వర్గాలు శుభాకాంక్షలు తెలియజేస్తున్నారు. మీ ఇల్లు చాలా బాగుందని కామెంట్ చేస్తున్నారు. హిమజ కొత్త ఇంటి నిర్మాణానికి కోట్లు వెచ్చించినట్లు సమాచారం. ఆధునిక సౌకర్యాలతో సర్వహంగులతో ఇంటిని నిర్మించుకున్నారట. భూమి పూజ చేసినప్పటి నుండి హిమజ కొత్త ఇంటి నిర్మాణానికి సంబంధించిన అప్డేట్స్ ఇస్తుంది. కనీసం క్యారెక్టర్ ఆర్టిస్ట్ కూడా కానీ హిమజ ఇంత ఖరీదైన ఇల్లు ఎలా నిర్మిస్తున్నారని కొందరు అనుమానాలు వ్యక్తం చేశారు. మరి కొందరు మాత్రం ఆమెను అభినందిస్తూ కామెంట్లు పెడుతున్నారు.