Aishwarya Rai : బాలీవుడ్ నటి ఐశ్వర్యరాయ్ బచ్చన్ తన పనితో పాటు తన వ్యక్తిగత జీవితం గురించి కూడా నిత్యం వార్తల్లో నిలుస్తున్నారు. అభిమానులకు ఇష్టమైన జంటల్లో ఐశ్వర్య, అభిషేక్ ఒకరు. వీరిద్దరిని కలిసి చూసేందుకు అభిమానులు ఇష్టపడుతారు. అయితే గతంలో వీరి పెళ్లికి సంబంధించి రకరకాల వార్తలు కూడా వచ్చాయి. అయితే ఇప్పుడు అన్ని వైపుల నుంచి వస్తున్న రూమర్లకు తెరపడింది. ఐశ్వర్య, అభిషేక్ తమ వివాహ వార్షికోత్సవం సందర్భంగా అందమైన పోస్ట్‌ను పంచుకున్నారు. గత కొద్దిరోజులుగా భర్త అభిషేక్ తో ఐశ్వర్య విడాకులు తీసుకుంటుంది అంటూ ప్రచారం జరుగుతోంది. ఇప్పటికే భర్త ఇంటి నుంచి వెళ్లి వేరుగా నివసిస్తోంది అంటూ బాలీవుడ్ వర్గాల్లో హల్ చల్ చేస్తుంది. తాజాగా భర్త అభిషేక్ బచ్చన్ కుమార్తె ఆరాధ్యతో కలిసి సెల్ఫీ షేర్ చేసిన మాజీ ప్రపంచ సుందరి అలాంటి రూమర్లకు చెక్ పెట్టింది.
ఐశ్వర్య, అభిషేక్ వివాహమై 17 ఏళ్లు పూర్తయ్యాయి. వారిద్దరూ 20 ఏప్రిల్ 2007న వివాహం చేసుకున్నారు. వారి వివాహ వార్షికోత్సవం సందర్భంగా, ఐశ్వర్య, అభిషేక్ తమ తమ ఇన్‌స్టాగ్రామ్ ఖాతాలలో ఒకే ఫోటోను పంచుకున్నారు. ఐశ్వర్య, అభిషేక్ కాకుండా ఈ ఫోటోలో అందరి దృష్టిని ఆకర్షించినది ఆరాధ్య బచ్చన్. ఆరాధ్య తన తల్లిదండ్రులతో ఉన్న ఈ ఫోటో చాలా అందంగా ఉంది. ఈ పోస్ట్‌పై అభిమానులు బోలెడంత ప్రేమను కురిపిస్తున్నారు. ఈ చిత్రాన్ని షేర్ చేస్తున్నప్పుడు, ఐశ్వర్య, అభిషేక్ క్యాప్షన్‌లో ఒకే ఒక రెడ్ హార్ట్ ఎమోజీని యాడ్ చేశారు. అది ఈ ఫోటోకు చక్కగా యాప్ట్ అవుతుంది. ఐశ్వర్య తరచుగా తన కుటుంబంతో ఉన్న ఫోటోలను ముఖ్యంగా కూతురు ఆరాధ్యతో సోషల్ మీడియాలో షేర్ చేస్తుంటుంది. ఈ జంట పోస్ట్‌పై బాలీవుడ్ స్టార్స్ నుండి అభిమానుల వరకు అందరూ చాలా ప్రేమను కురిపించారు. చాలా మంది వినియోగదారులు ఆరాధ్య అందాన్ని ప్రశంసిస్తున్నారు.
ఐశ్వర్య, అభిషేక్ ల ప్రేమకథ గురించి మాట్లాడుతూ.. ఇద్దరూ చాలా చిత్రాలలో కలిసి పనిచేశారు. సినిమాల సమయంలోనే వీరిద్దరి మధ్య మొదట స్నేహం ఏర్పడి ఆ తర్వాత ఆ స్నేహం ప్రేమగా మారింది. న్యూయార్క్‌లోని ఓ హోటల్‌లోని బాల్కనీలో నిలబడి ఐశ్వర్యతో అభిషేక్ తన ప్రేమను వ్యక్తం చేసినట్లు సమాచారం. ఆ సమయంలోనే అభిషేక్ .. ఐశ్వర్యను పెళ్లికి ఒప్పించినట్లు తెలుస్తోంది.
View this post on Instagram