Kalki 2898 AD: యంగ్ రెబ‌ల్ స్టార్ ప్ర‌భాస్ న‌టిస్తున్న మోస్ట్ అవైటెడ్ మూవీ ‘కల్కి 2898AD’. నాగ్ అశ్విన్ ద‌ర్శ‌క‌త్వంలో తెర‌కెక్కుతున్న ఈ సినిమా కోసం సినీ అభిమానులు ఎంతో ఆస‌క్తిగా ఎదురుచూస్తున్నారు. ఈ సినిమాలో క‌మ‌ల్ హాస‌న్‌, బాలీవుడ్ స్టార్స్‌ దీపికా ప‌దుకోన్‌, దిశాప‌టాని ల‌తో పాటు టాలీవుడ్ స్టార్ న‌టుడు రానా కీల‌క పాత్రల్లో న‌టిస్తున్నారు. వైజ‌యంతి మూవీస్ బ్యాన‌ర్ పై నిర్మాత అశ్విని ద‌త్ దాదాపు రూ.400 కోట్ల భారీ బ‌డ్జెట్‌తో ఈ సినిమాని నిర్మిస్తున్నారు. సోషల్ మీడియాలో ఈ సినిమాపై భారీ ఎత్తున విమర్శలు వెల్లువెత్తుతున్నాయి. చాలా మంది దీనిని టామ్ హాలండ్, జెండయా నటించిన డెనిస్ విల్లెనెయువ్ డ్యూన్‌తో పోల్చారు.
తాజాగా చిత్ర దర్శకుడు నాగ్ అశ్విన్ దీనిపై స్పందించారు. ఒక ఈవెంట్ సందర్భంగా.. ఒక విద్యార్థి నాగ్ అశ్విన్‌ని తన సినిమా డూన్‌లా ఎందుకు ఉందని.. వాటి మధ్య ఏదైనా సారూప్యత ఉందా? అని ప్రశ్నించాడు. దీనికి నాగ్ అశ్విన్ బదులిస్తూ.. ఇసుక వల్ల ఇలా అనిపిస్తోందన్నారు. ఇటీవలే ఈ చిత్రం నుండి అమితాబ్ బచ్చన్ లుక్ రివీల్ చేశారు. ఇది చూసిన ప్రేక్షకులలో మరింత ఉత్సుకత పెరిగింది. ఈ సినిమాలో అశ్వత్థామ పాత్రలో కనిపించబోతున్నాడు. టీజర్‌లో అతను డి-ఏజింగ్ టెక్నాలజీతో యవ్వనంగా కనిపిస్తున్నాడు.
టీజర్‌లో బిగ్ బి గుహలో శివ లింగాన్ని పూజిస్తున్నట్లు చూపించారు. ఇందులో, ఒక పిల్లవాడు అతన్ని అడగడం కనిపిస్తుంది. మీరు చనిపోలేదా? ఎవరు మీరు? అని అడగడం కనిపిస్తుంది. ఈ చిత్రాన్ని 2024 జూన్ 27న ప్రపంచవ్యాప్తంగా విడుదల చేయనున్నట్టు చిత్ర బృందం తాజాగా ప్రకటించింది. వాస్తవానికి మే9నే ఈ సినిమా థియేటర్లలోకి రావాల్సి ఉంది.