Salaar : కోట్లాది మంది అభిమానులు మరియు ప్రేక్షకులు ఎప్పుడెప్పుడా అని వెయ్యి కళ్ళతో ఎదురు చూస్తున్న యంగ్ రెబెల్ స్టార్ ప్రభాస్ సలార్ చిత్రం ఎట్టకేలకు ఎల్లుండి భారీ అంచనాల నడుమ పాన్ ఇండియా లెవెల్ లో విడుదల కాబోతుంది. ఈ సినిమాకి సంబంధించిన థియేట్రికల్ ట్రైలర్ యూత్ ఆడియన్స్ ని మెంటలెక్కిపోయేలా చేసింది. డైరెక్టర్ ప్రశాంత్ నీల్ కేజీఎఫ్ కంటే అద్భుతంగా ఈ సినిమాని తెరకెక్కించాడని మొన్న విడుదల చేసిన రిలీజ్ ట్రైలర్ ని చూస్తేనే అర్థం అయిపోతుంది.
ఇకపోతే ఈ సినిమాకి సంబంధించిన అడ్వాన్స్ బుకింగ్స్ నిన్ననే రెండు తెలుగు రాష్ట్రాల్లో ప్రారంభించారు. బుకింగ్స్ ట్రెండ్ మామూలు రేంజ్ లో లేదు. టైక్ట్స్ ఆన్లైన్ లో పెట్టినంతసేపు కూడా లేదు, క్షణాల్లో అమ్ముడుపోతున్నాయి. అయితే ఈ చిత్రానికి హిందీ లో చాలా అన్యాయం జరుగుతుంది. షారుఖ్ ఖాన్ డుంకీ చిత్రం కోసం పీవీఆర్ మరియు ఐనాక్స్ థియేటర్స్ లో సలార్ కి షోస్ దక్కనివ్వకుండా చేస్తున్నారు.
షారుఖ్ ఖాన్ నటించిన ‘డుంకీ’ చిత్రం రేపు ప్రపంచవ్యాప్తంగా ఘనంగా విడుదల కాబోతుంది. అయితే ఆ చిత్ర మేకర్స్ ఎట్టి పరిస్థితిలో కూడా ‘సలార్ ‘ చిత్రానికి షోస్ కేటాయించడానికి వీలు లేదని పీవీఆర్ మరియు ఐనాక్స్ థియేటర్స్ తో ఒప్పందం చేసుకున్నారట. ఇలా ఉద్దేశపూర్వకంగా సలార్ చిత్రానికి నష్టం చెయ్యాలని చూసిన ఈ రెండు థియేటర్స్ చైన్స్ కి ఝలక్ ఇస్తూ సౌత్ లో సలార్ మూవీ ని పీవీఆర్ మరియు ఐనాక్స్ థియేటర్స్ లో విడుదల చెయ్యము అని ఒక అధికారిక ప్రకటన చేసింది. ఇది ఆ సంస్థలకు పెద్ద షాక్ అనే చెప్పాలి.
ఎందుకంటే సలార్ చిత్రాన్ని వదులుకుంటే వాళ్ళకే పెద్ద నష్టం. సౌత్ లో సలార్ కి మొదటి 5 రోజులు వచ్చే వసూళ్లు వేరే లెవెల్ లో ఉంటాయి. ఇలాంటి సమయం లో థియేట్రికల్ రెవిన్యూ మిస్ చేసుకోవాలని ఎవ్వరూ కూడా అనుకోరు. కాబట్టి పీవీఆర్ , ఐనాక్స్ థియేటర్స్ యాజమాన్యాలు ఒక మెట్టు క్రిందకి దిగి సంధికి వస్తారో లేదో చూడాలి.