Mrunal Thakur: ఈమె ఫిల్మ్ కెరీర్ గురించి మాట్లాడుకుంటే సీతారామంకు ముందు, ఆ త‌ర్వాత అనే చెప్పుకోవాలి. గ‌త ఏడాది విడుద‌లైన ఈ సినిమాతో ఆమె జాత‌క‌మే మారిపోయింది. ఓవ‌ర్ నైట్ గా గుర్తింపు సంపాదించుకుంది. ప్ర‌స్తుతం సౌత్, నార్త్ అనే తేడా లేకుండా వరుస ఆఫ‌ర్ల‌తో దూసుకుపోతోంది. రీసెంట్ గా లస్ట్ స్టోరీస్ 2లో అద‌ర‌గొట్టిన ఈ బ్యూటీ.. టాలీవుడ్ లో రెండు ప్రాజెక్ట్స్ లో భాగం అయింది. అందుకు నాని 30 ఒక‌టి. ద‌స‌రా వంటి బిగ్గెస్ట్ బ్లాక్ బ‌స్ట‌ర్ హిట్ అనంత‌రం న్యాచుర‌ల్ నాని నుంచి రాబోతున్న చిత్ర‌మిది. శౌర్యువ్ దర్శకుడిగా పరిచయమవుతున్న ఈ చిత్రంలో మృణాల్ ఠాకూర్‌, శృతి హాస‌న్ హీరోయిన్లుగా న‌టిస్తున్నారు.
అలాగే విజయ్ దేవ‌ర‌కొండ‌తో మృణాల్ ఈ మూవీకి క‌మిట్ అయింది. పర‌శురామ్ డైరెక్ట్ చేస్తున్న ఈ చిత్రాన్ని దిల్ రాజు నిర్మిస్తున్నారు.ఆ సినిమా షూటింగ్‌ ను మొదలు పెట్టేందుకు గాను ఏర్పాట్లు కూడా జరుగుతున్నాయి. తాజాగా ఈ అమ్మడి పారితోషికం గురించి ఆసక్తికర చర్చ జరుగుతున్నట్లు సమాచారం.సీతారామం మరియు నాని సినిమాలకు ఈ భామ కోటి రూపాయల కంటే తక్కువగానే పారితోషికం తీసుకున్నట్లు సమాచారం. తాజాగా ఈ భామ విజయ్ దేవరకొండ సినిమా కు గాను కోటి రూపాయలకు పైగానే పారితోషికం డిమాండ్ చేస్తున్నట్లు సమాచారం. విజయ్ దేవరకొండ సినిమాలో నటించే ఛాన్స్ రావడంతో ఈ అమ్మడు ఇంతలా డిమాండ్ చేస్తున్నట్లుగా సమాచారం అందుతోంది.
ఇటీవల ఒక నిర్మాత ఆమెను కలిసి ఒక యంగ్‌ హీరో సినిమా కు డేట్లు ఇవ్వమంటూ అడిగినట్లు సమాచారం. ఆ యంగ్‌ హీరో సినిమాకు సుమారు రెండు కోట్ల రూపాయల పారితోషికం డిమాండ్ చేసిందని సమాచారం..ఆ మాటకు షాక్ అయిన నిర్మాత కోటి రూపాయలు మాత్రమే ఇవ్వగలమని చెప్పగానే ఆ సినిమాకు ఆమె నో చెప్పినట్లు సోషల్ మీడియాలో ప్రచారం జరుగుతుంది. రీసెంట్ గా ఈ భామ లస్ట్ స్టోరీస్ 2 వెబ్ సిరీస్ లో నటించి మెప్పించింది. ఆ సిరీస్ లో మృణాల్ బోల్డ్ సన్నివేశాలలో నటించింది. అలాగే ఇటీవల శృంగారం గురించి అందరి ఇంటిలో బహిరంగంగా చర్చించండి అంటూ వ్యాఖ్యలు కూడా చేసింది ఈ భామ.మృణాల్ కు బాలీవుడ్ లో కూడా వరుస అవకాశాలు వస్తున్నాయి. ఈమె మళ్ళీ బాలీవుడ్ లో మరో వెబ్ సిరీస్ చేయబోతుంది అంటూ వార్తలు కూడా వస్తున్నాయి.