టాలీవుడ్ లో ఇప్పుడు రీ రిలీజ్ ట్రెండ్ తారాస్థాయికి చేరుకుంది. తమ అభిమాన హీరో పుట్టిన రోజు నాడు సరదాగా థియేటర్స్ లో పాత సినిమాలను లేటెస్ట్ టెక్నాలజీ తో రీ స్టోర్ చేయించి ఫ్యాన్స్ సంబరాలు చేసుకుంటున్నారు. ఆ షోస్ ద్వారా వచ్చే డబ్బులతో మంచి కార్యక్రమాలు చేస్తుంటారు. ఇది పోకిరి సినిమాతో సూపర్ స్టార్ మహేష్ బాబు ఫ్యాన్స్ ప్రారంభించారు. మహేష్ బాబు పుట్టిన రోజు సందర్భంగా పోకిరి సినిమా స్పెషల్ షోస్ ప్రపంచవ్యాప్తంగా వేసుకున్న సంగతి తెలిసిందే. ఈ స్పెషల్ షోస్ అప్పట్లో సెన్సేషన్ సృష్టించింది. సుమారుగా కోటి 75 లక్షల రూపాయలకు పైగా గ్రాస్ వసూలు చెయ్యగా, వచ్చిన ఆ డబ్బులు మొత్తం సేవా కార్యక్రమాల కోసం ఉపయోగించారు. ఆ తర్వాత పవర్ స్టార్ పవన్ కళ్యాణ్ ఫ్యాన్స్ కూడా తమ అభిమాన హీరో పుట్టినరోజు నాడు ‘జల్సా’ సినిమా స్పెషల్ షోస్ ని వేసుకొని సంబరాలు చేసుకున్నారు.
ఈ స్పెషల్ షోస్ పోకిరి కంటే రెండింతలు ఎక్కువ వసూళ్లను రాబట్టింది.సుమారుగా మూడు కోట్ల 20 లక్షల రూపాయిల గ్రాస్ ని వసూలు చేసిన ఈ చిత్రం, ఇండియా లోనే ఆల్ టైం రికార్డు ని నెలకొల్పింది. ఈ సినిమాకి వచ్చిన డబ్బులు కూడా జనసేన పార్టీ కి డొనేట్ చేసారు ఫ్యాన్స్. పవన్ కళ్యాణ్ ఆ డబ్బులను కౌలు రైతులకు విరాళంగా ఇచ్చాడు.ఇలా ఇంత మంచి ఆహ్లాదకరమైన వాతావరణం లో సాగుతున్న ఈ ట్రెండ్ ఇప్పుడు అభిమానుల మధ్య ఘర్షణ కి దారి తీసేలా చేస్తుంది. అసలు విషయానికి వస్తే, ఎన్టీఆర్ పుట్టినరోజు సందర్భంగా నిన్న సింహాద్రి చిత్రాన్ని రీ రిలీజ్ చేసిన సంగతి అందరికీ తెలిసిందే. భారీ ప్లానింగ్ తో కనీవినీ ఎరుగని రేంజ్ లో సుమారుగా 1200 కి పైగా థియేటర్స్ లో ఈ చిత్రాన్ని ప్రపంచవ్యాప్తంగా రీ రిలీజ్ చేసారు.
మొదటి రోజు ఈ చిత్రానికి దాదాపుగా మూడు కోట్ల 50 లక్షల రూపాయిల వరకు గ్రాస్ వసూళ్లు వచ్చిందని చెప్తున్నారు ట్రేడ్ పండితులు.ఇది అద్భుతమైన వసూళ్లే కానీ, కొన్ని ప్రాంతాలలో ఇష్టమొచ్చినట్టుగా కలెక్షన్స్ వేసుకొని రికార్డు అని చెప్పుకునే ప్రయత్నం చేస్తున్నారు.పవన్ కళ్యాణ్ ఖుషి చిత్రం సుమారుగా 4 కోట్ల 20 లక్షల రూపాయిల గ్రాస్ వసూళ్లను రాబట్టింది. ఈ వసూళ్లను అందుకునేందుకు పడరాని పాట్లు పడింది టీం మొత్తం. ముఖ్యంగా నైజాం ప్రాంతం లో కోటి రూపాయలకు పైగా గ్రాస్ వచ్చినట్టు చెప్పుకున్నారు. కానీ వాస్తవానికి 70 లక్షల రూపాయిల గ్రాస్ ని కూడా ఈ చిత్రం రాబట్టలేకపోయింది. పవన్ కళ్యాణ్ మరియు మహేష్ బాబు ఫ్యాన్స్ సోషల్ మీడియా ప్రూఫ్స్ తో సహా పెట్టి ఎన్టీఆర్ ఫ్యాన్స్ ని ట్రోల్ చేస్తున్నారు.రీ రిలీజ్ అప్పుడు కూడా ఇలా ఫేక్ కలెక్షన్స్ వేసుకోవడం ఏమిటని కొంతమంది సినీ పెద్దలు పెదవి విరుస్తున్నారు.