కొన్ని సినిమాలు బాగున్నప్పటికీ కూడా ఎందుకో కమర్షియల్ గా సక్సెస్ కాలేకపోతాయి, అలాంటి సినిమాల లిస్ట్ తీస్తే సూపర్ స్టార్ మహేష్ బాబు – త్రివిక్రమ్ కాంబినేషన్ లో వచ్చిన ఖలేజా మూవీ ముందు వరుసలో ఉంటుంది. ఈ సినిమా అప్పట్లో ఎంత పెద్ద డిజాస్టర్ ఫ్లాప్ అయ్యిందో మన అందరికీ తెలిసిందే. మహేష్ మనసుకి ఎంతో దగ్గరైన సినిమా ఇది, అప్పటి వరకు మనం చూసిన మహేష్ వేరు, ఈ సినిమా నుండి చూస్తున్న మహేష్ వేరు.ఆయన యాక్టింగ్ స్టైల్ ని ఆ రేంజ్ లో మార్చేసింది ఈ చిత్రం.
అయితే అప్పటి ఆడియన్స్ కి ఈ సినిమా చాలా అడ్వాన్స్ గా ఉండడం. దేవుడు అనే కాన్సెప్ట్ జనాలకు సరిగా అర్థం కాకపోవడం వల్ల ఈ చిత్రం ఆ రేంజ్ డిజాస్టర్ ఫ్లాప్ అయ్యింది. అంతే కాదు, అప్పటి వరకు తక్కువ మాటలు ఎక్కువ యాక్టింగ్ చేసే మహేష్, ఇందులో కాస్త డిఫరెంట్ గా చెయ్యడం కూడా ఆడియన్స్ వెంటనే కనెక్ట్ కాలేకపోయారు.
కానీ టీవీ టెలికాస్ట్ లో మాత్రం ఈ సినిమాకి అద్భుతమైన రెస్పాన్స్ వచ్చింది. ఇప్పటికి కూడా ఈ సినిమా టీవీ లో వస్తుంది అంటే TRP రేటింగ్స్ అదిరిపోతాయి. మహేష్ ఫ్యాన్స్ కి కూడా ఈ చిత్రం ఎంతో స్పెషల్ ని చెప్పొచ్చు. అయితే ఈ సబ్జెక్టు త్రివిక్రమ్ శ్రీనివాస్ పవన్ కళ్యాణ్ కోసం రాసుకున్నడట. ఈ కథ ఇప్పటి ఆడియన్స్ కి అర్థం కాకపోవచ్చు, భవిష్యత్తులో పవన్ కళ్యాణ్ తో ఈ మూవీ చేసే ఆలోచనలో ఉండేవాడట త్రివిక్రమ్.
అయితే ‘అతడు’ చిత్రం తర్వాత త్రివిక్రమ్ మహేష్ కలిసి ఒక సినిమా చేద్దాం అనుకున్నారు. త్రివిక్రమ్ దగ్గర అప్పుడు రాసుకున్న కథలన్నీ విన్న మహేష్ బాబు, ఖలేజా కథ చేద్దామని చెప్పాడట. ఇప్పటి ఆడియన్స్ కి ఈ కథ నచ్చదు అని త్రివిక్రమ్ చెప్పినా కూడా వినకుండా, మహేష్ బాబు డేరింగ్ స్టెప్ తీసుకున్నాడు. ఒకవేళ ఈ చిత్రం అప్పటి ఆడియన్స్ కి అర్థమై ఉంటే ఇండస్ట్రీ హిట్ అయ్యేది, కానీ అది జరగలేదు. ఇదే సినిమా ఇప్పుడు చేసి ఉంటే కచ్చితంగా పెద్ద బ్లాక్ బస్టర్ హిట్ అయ్యేదని, అందులోనూ పవన్ కళ్యాణ్ ఇలాంటి సబ్జక్ట్స్ కి బాగా సరిపోతాడని విశ్లేషకులు చెప్తున్నమాట.