Ustaad Bhagat Singh నిన్న సోషల్ మీడియా మొత్తం సరికొత్త అప్డేట్స్ తో నిండిపోయింది.స్టార్ హీరోల ప్రతిష్టాత్మక సినిమాలకు సంబంధించిన లేటెస్ట్ అప్డేట్స్ తో టైం లైన్స్ కళకళలాడిపొయ్యాయి.ముందుగా ఎన్టీఆర్ – హ్రితిక్ రోషన్ కాంబినేషన్ లో ‘వార్ 2’ అనే సినిమా వస్తున్నట్టు అధికారిక ప్రకటన జరిగింది.దీనికి సోషల్ మీడియా మొత్తం ఊగిపోయింది,ఇక ఆ తర్వాత స్టైలిష్ స్టార్ అల్లు అర్జున్ – సుకుమార్ కాంబినేషన్ లో తెరకెక్కుతున్న ‘పుష్ప : ది రూల్’ కి సంబంధించి ప్రీ టీజర్ ఒకటి వచ్చింది.
దీనికి కూడా ఫ్యాన్స్ నుండి రెస్పాన్స్ అదిరిపోయింది, రేపు అల్లు అర్జున్ పుట్టినరోజు సందర్భంగా మెయిన్ టీజర్ ని విడుదల చెయ్యబోతున్నారు.ఈ రెండు అప్డేట్స్ తో సోషల్ మీడియా మంచి ఊపు మీద ఉంది.అయితే ఈ రెండు సినిమాలతో పాటుగా పవన్ కళ్యాణ్ – హరీష్ శంకర్ కాంబినేషన్ లో తెరకెక్కబోయ్యే ‘ఉస్తాద్ భగత్ సింగ్’ రెగ్యులర్ షూటింగ్ కూడా ప్రారంభం అయ్యింది.
నిన్న రాత్రి ఈ మూవీ రెగ్యులర్ షూటింగ్ లో పవన్ కళ్యాణ్ పాల్గొన్నాడు అంటూ ఒక వర్కింగ్ స్టిల్ ని వదిలారు, సోషల్ మీడియా మొత్తం పూనకం వచ్చినట్టు ఊగిపోయింది.ఉదయం నుండి వచ్చిన ఆ రెండు పాన్ వరల్డ్ మూవీ హైప్ మొత్తాన్ని, ఈ సినిమా షూటింగ్ ప్రారంభం అనే ప్రకటన దాటేసింది అంటే పవన్ కళ్యాణ్ రేంజ్ ఏంటో అర్థం చేసుకోవచ్చు.
నిన్నటి నుండి నేటి వరకు ఈ పోస్టర్ సోషల్ మీడియా లో ట్రెండ్ అవుతూనే ఉంది.మొదటి షెడ్యూల్ పది రోజుల పాటు సాగనుంది, ఈ ఏడాది లోపు మూవీ షూటింగ్ మొత్తాన్ని పూర్తి వచ్చే ఏడాది సంక్రాంతి కానుకగా జనవరి 12 వ తేదీన ఈ సినిమాని విడుదల చేసేందుకు సన్నాహాలు చేస్తున్నారు మైత్రి మూవీ మేకర్స్.త్వరలోనే దీనికి సమందించిన అధికారిక ప్రకటన కూడా రాబోతుంది.