Prabhas : ఈ ఏడాది ప్రభాస్ తన ఫ్యాన్స్ లో ఫుల్ ఖుషీ నింపనున్నారు. వరస సినిమాలతో వారికి పండగ తీసుకురానున్నారు. ఇప్పటికే 3 సినిమాలతో బిజీగా ఉన్న ఈ బాహుబలి హీరో ఇప్పుడు మరో సినిమా షూటింగ్ కూడా షురూ చేశాడు. ప్రస్తుతం టాలీవుడ్ లో ట్రెం న్యూస్ ట్రెండింగ్లో ఉంది. ప్రభాస్, మారుతి దర్శకత్వంలో రూపొందుతోన్న సినిమా కొత్త షెడ్యూల్ ప్రారంభమైంది. హైదరాబాద్ లో ప్రత్యేకంగా తీర్చిదిద్దిన సెట్లో ఈ షూటింగ్ జరుగుతోంది. ఈ భారీ సెట్లో పది రోజుల పాటు షూటింగ్ జరగనున్నట్లు సమాచారం. ప్రభాస్ తో పాటు, ఇతర తారాగణంపై కొన్ని కీలక సన్నివేశాల్ని తెరకెక్కించనున్నారు.
ఇక మారుతి దర్శకత్వంలో రానున్న ఈ సినిమా కోసం ఆయన ఫ్యాన్స్ ఎంతగానో ఎదురుచూస్తున్నారు. ఇందులో ప్రభాస్ సరసన మాళవిక మోహనాన్, నిధి అగర్వాల్ నటిస్తున్నారు. మరో కధానాయిక కూడా టాక్ వినిపిస్తోంది. పీపుల్స్ మీడియా ఫ్యాక్టరీ ఈ సినిమాను నిర్మిస్తోంది. ఇప్పటికే ఎవరూ చూడని లుక్ లో ప్రభాస్ కనిపిస్తాడని చెప్పడంతో ఈ మూవీపై క్రేజ్ ఏర్పడింది. ఇందులో ప్రభాస్ స్టైలిష్ అవతారంలో సందడి చేయనున్నాడు. ఇక ఈ సినిమాలో బాలీవుడ్ అగ్ర నటుడు సంజయ్ దత్ విలన్ గా కనిపించనున్నాడని టాక్. ఇటీవలే కేజీయఫ్‌2 సినిమాలో అధీర పాత్రతో సంజయ్ అలరించారు. అయితే ప్రభాస్ సినిమాతో పూర్తి ప్రాధాన్యం ఉన్న పాత్రతో టాలీవుడ్‌లోకి అరంగేట్రం చేయనున్నారని అంటున్నారు కొందరు నెటిజన్లు. ఈ క్రేజీ ప్రాజెక్టుకు రాజా డీలక్స్ అనే పేరు ప్రచారంలో ఉంది.
ప్రస్తుతం ప్రభాస్ ఈ సినిమాతో పాటు మరో మూడు చిత్రాల్లోనూ నటిస్తోన్న సంగతి తెలిసిందే. వాటిలో ‘ఆదిపురుష్‌’ నిర్మాణానంతర పనుల్లో ఉండగా, ‘సలార్’, ‘ప్రాజెక్ట్‌ కె’ చిత్రీకరణ దశలో ఉన్నాయి. ప్రస్తుతం సలార్ షూటింగ్ ఇటలీలోని ఓ ప్రముఖ సిటీలో జరుగుతోంది. అక్కడ సలార్ లోని యాక్షన్ సన్నివేశాలను తెరకెక్కిస్తున్నారు. ఇప్పటికే 80 శాతం షూటింగ్ పూర్తి చేసుకున్న సలార్ సినిమా సెప్టెంబర్ 28న ప్రేక్షకుల ముందుకు రానుంది. ఇందులో ప్రభాస్ తో కలిసి శ్రుతి హాసన్ ఆడిపాడనుంది.