నిన్న ‘ఖుషి’ మూవీ మ్యూజికల్ కాన్సర్ట్ జరిగిన విషయం తెలిసిందే. ఇక ఈ ఈవెంట్ లో విజయ్ అండ్ సమంత కలిసి సినిమాలోని సాంగ్ కి డాన్స్ వేశారు. స్టేజి పై హీరోహీరోయిన్లు డాన్స్ వేయడంలో తప్పేముంది అని అంటారా..? అంటే ఈ డాన్స్ వేసే సమయంలో విజయ్ షర్ట్ తీసేసి మరి చేయడం, అలాగే డ్రెస్సింగ్ స్టైల్, కొన్ని మూమెంట్స్ ప్రేక్షకులకు ఇబ్బంది అనిపించాయట.
ఈ విషయం పై నిన్నటి నుంచి విజయ్ అండ్ సామ్ ని తెగ ట్రోల్ చేస్తున్నారు. ఇక ఈ ట్రెండ్ మొదలయ్యి 24 గంటలు కూడా కాలేదు విశ్వక్ అప్పుడే ఫాలో అవ్వడం స్టార్ట్ చేసేశాడు. విశ్వక్, నేహశెట్టి కలిసి ‘గ్యాంగ్స్ ఆఫ్ గోదావరి’ అనే సినిమాలో నటిస్తున్నారు. ఈ మూవీలోని మొదటి సాంగ్ హైదరాబాద్ మల్లారెడ్డి ఇంజనీరింగ్ కాలేజీలో ఈవెంట్ పెట్టి స్టూడెంట్స్ మధ్యలో రిలీజ్ చేశారు. అనంతరం ఆ సాంగ్ లోని ఒక డాన్స్ మూమెంట్ ని విశ్వక్, నేహా కలిసి స్టేజి పై వేశారు.
ఈ స్టెప్పులో విశ్వక్, నేహా చీర కొంగుని తీసి తన ఒంటికి చుట్టుకుంటాడు. ఇక ఇది చూసిన కొంతమంది స్టూడెంట్స్ ముందు ఇలాంటి స్టెప్పులు ఏంటని కామెంట్స్ చేస్తున్నారు. ఇక ఈ గ్యాంగ్స్ ఆఫ్ గోదావరి చిత్రాన్ని సితార ఎంటర్టైన్మెంట్స్ నిర్మాణంలో కృష్ణ చైతన్య దర్శకత్వంలో ఈ చిత్రం తెరకెక్కుతోంది. బోల్డ్ హీరోయిన్, డీజే టిల్లు బ్యూటీ నేహా శెట్టి ఈ చిత్రంలో హీరోయిన్ గా నటిస్తోంది. డీజే టిల్లు తర్వాత నేహా శెట్టికి వరుస ఆఫర్స్ జోరందుకుంటున్న సంగతి తెలిసిందే.