Vijayashanthi : సాధారణంగా ఇండియన్ సినిమా ఇండస్ట్రీ మేల్ డామినేటెడ్ ఇండస్ట్రీ అని టాక్. ఇక్కడ హీరోలకు ఉన్న విలువ హీరోయిన్లకు ఉండదు. పాతికేళ్లయినా నటులు హీరోల పాత్రల్లో ఫైట్లు, రొమాన్స్ చేస్తారు. కాని 40 దాటిన హీరోయిన్లు మాత్రం అమ్మ, అత్త అంటూ క్యారెక్టర్ ఆర్టిస్టులుగా మిగిలిపోవాల్సి వస్తుంది. ఇక వ్యక్తి ఆరాధన మామూలుగా ఉండదు. టాలీవుడ్లో అది కాస్త ఎక్కువగానే ఉంటుంది.
స్టార్ హీరోలను వారి అభిమానులు దేవుళ్లుగా భావిస్తుంటారు. డైరెక్టర్లు, నిర్మాతలు కూడా వారి ఇమేజ్కు తగ్గట్టుగా సినిమాలు, కథలు రాస్తుంటారు. అలాంటి హీరో డామినేటెడ్ ఇండస్ట్రీలో కనుమరుగైపోయిన హీరోయిన్లు ఎందరో ఉన్నారు. అవకాశాలు వచ్చినన్ని రోజులు పది పదిహేను సినిమాలు చేసి ఆ తర్వాత తట్టాబుట్టా సర్దుకుని వెళ్లిపోయిన వాళ్లు కోకొకొల్లలు. కానీ కొంతమంది మాత్రం స్టార్ హీరోలకు దీటుగా, వారి స్టార్డమ్నే ఛాలెంజ్ చేస్తూ వారికంటూ ప్రత్యేకంగా డైరెక్టర్లు కథలు రాసుకునేలా ఎదిగారు. అలాంటి హీరోయిన్ల గురించి ఇప్పుడు మనం తెలుసుకుందాం.
టాలీవుడ్లో స్టార్ హీరోల సినిమాలకు ఉండే హడావుడి అంతా ఇంతా కాదు. ఇప్పుడంటే హీరోయిన్ ఓరియెంటెండ్ సినిమాలంటే ప్రేక్షకులు ఆసక్తి చూపిస్తున్నారు. కానీ ఒకప్పుడు పరిస్థితి వేరేలా ఉండేది. సినిమాలో హీరోయిన్లు కేవలం డెకరేషన్ అన్నట్టుగానే ఉండేది. అలాంటి డామినేషన్ ఉన్న రోజుల్లో స్టార్ హీరోలకు గట్టి పోటీనిచ్చారు హీరోయిన్ విజయశాంతి. హీరోయిన్ ఓరియెంటెండ్ సినిమాల ట్రెండ్ ఈమెతోనే స్టార్ట్ అయిందంటే అతిశయోక్తి లేదు. హీరోలకు దీటుగా ఫైట్లు చేస్తూ వాళ్లకు ఏమాత్రం తీసిపోనంటూ విజయశాంతి చేసిన నటనకు అప్పటి ప్రేక్షకులే కాదు ఇప్పటి ఫ్యాన్స్ ఫిదానే. ఒసేయ్ రాములమ్మ, కర్తవ్యం, వైజయంతి వంటి హీరోయిన్ ఓరియెంటెడ్ సినిమాలతో టాలీవుడ్లో స్టార్ హీరోలకు చెమటలు పట్టించింది విజయశాంతి.
టాలెంట్ ఉండాలే కానీ స్టార్డమ్ దానొంతట అదే వస్తుందని నిరూపించింది. విజయశాంతికి అప్పట్లో వచ్చిన క్రేజ్ చూసి చాలా మంది హీరోయిన్లకు చెమటలు పట్టేవంటే అతిశయోక్తి కాదు. ఇక ఒసేయ్ రాములమ్మ సినిమాతో ఈ భామ క్రేజ్ అమాంతం ఆకాశానికి పెరిగింది. అలా వరుసగా లేడీ ఓరియెంటెడ్ సినిమాలు చేసి హీరోలకు షాక్ ఇచ్చింది విజయశాంతి.
ఆ తర్వాత ఈ జనరేషన్లో అనుష్క శెట్టి, సమంత కూడా హీరోలకు దీటుగా నటిస్తూ ఈ మేల్ డామినేటెడ్ ఇండస్ట్రీలో హీరోయిన్ కేవలం గ్లామర్ సరుకే కాదని అవకాశాలొస్తే తామేంటో చూపిస్తామని నిరూపించారు. ఇక తమిళ్ హీరోయిన నయనతార కూడా ఈకోవలోకే చెందుతుంది. ఏకంగా ఆమె లేడీ సూపర్ స్టార్ అనే బిరుదుని సొంతం చేసుకుందంటే ఆమె సాధించిన ఘనత అర్థం చేసుకోవచ్చు.