vijay thalapathy : కోలీవుడ్ స్టార్ హీరో దళపతి విజయ్ గురించి ప్రత్యేకంగా చెప్పాల్సిన పనిలేదు. ఆయన టైటిల్ రోల్ పోషిస్తున్న తాజా చిత్రం లియో. విక్రమ్ సినిమా హిట్ తో ఫుల్ ఫాంలో ఉన్న దర్శకుడు లోకేష్ కనగరాజ్ ఈ చిత్రాన్ని తెరకెక్కిస్తున్నారు. అవుట్ అండ్ అవుడ్ యాక్షన్ ఎంటర్‌టైనర్‌గా వస్తున్న ఈ సినిమా నుండి ఫస్ట్ లుక్, టైటిల్ ప్రోమో గ్లింప్స్ వీడియో విడుదలై సోషల్ మీడియాలో హల్ చల్ చేస్తున్నాయి. సినిమాపై రోజుకో కొత్త అప్ డేట్ ఇస్తూ చిత్ర బృందం.. సినిమాపై అంచాలను భారీ గా పెంచేస్తుంది. రిలీజ్ డేట్ వరకు ప్రతిరోజూ ఓ కొత్త పోస్టర్ విడుదల చేయనున్నట్లు చిత్ర బృందం ఇటీవలే ప్రకటించింది.
వినాయక చవితి కానుకగా లియో నుంచి తెలుగు, కన్నడ పోస్టర్లను విడుదల చేశారు. అనంతరం బుధవారం లియో సినిమాకు సంబంధించి మరో కొత్త పోస్టర్ విడుదల చేశారు. ఈ పోస్టర్లో విజయ్ చాలా ఇంటెన్స్ లుక్ లో కనిపిస్తున్నాడు. ప్రశాంతంగా ఉండు.. యుద్ధానికి సిద్ధం అనే క్యాప్షన్ తో ఉన్న ఈ పోస్టర్ లియో సినిమాపై క్యూరియాసిటీని పెంచింది. తాజాగా దళపతి విజయ్, సంజయ్ దత్ నటించిన ఈ సినిమా పోస్టర్‌ను మేకర్స్ విడుదల చేశారు. ఇందులో హీరో విజయ్ సంజయ్ గొంతును పట్టుకోవడం చూడవచ్చు. అయితే ఈ పోస్టర్ సోషల్ మీడియాలో భారీగా ట్రోల్ అవుతోంది. విజయ్ లుక్స్, గెటప్ పై విమర్శలు వెల్లు వెత్తుతున్నాయి. ఇది సోషల్ మీడియాలో హాట్ టాపిక్‌గా మారింది.