Venu Swami: సినీ ఇండస్ట్రీలో సెలబ్రీటీల జాతకాలు చెబుతూ ఫుల్ పాపులారిటీ తెచ్చుకున్నారు. తాజాగా మరోసారి పాన్ ఇండియా స్టార్ ప్రభాస్ జాతకం గురించి చెప్పి వార్తల్లోకి ఎక్కారు. ప్రస్తుతం వేణుస్వామి ప్రభాస్ గురించి చేసిన కామెంట్స్ ఇప్పుడు టాలీవుడ్ వర్గాల్లో కొత్త చర్చకు దారి తీస్తున్నాయి. గతంలో కూడా ఆయన ప్రభాస్ జాతకం గురించి చెప్పి సంచలనాలు సృష్టించాడు. ఆదిపురుష్ సమయంలో వేణు స్వామి చేసిన వ్యాఖ్యలు నిజం కావడంతో ప్రస్తుతం ప్రభాస్ ఫ్యాన్స్ ఆందోళన చెందుతున్నారు.
నిజానికి బాహుబలి సినిమా తరువాత ప్రభాస్ కు సరైన హిట్ లేదు. చేసినవన్నీ పాన్ ఇండియా సినిమాలే అయినా అవన్నీ ప్లాపులుగానే నిలిచాయి. బాహుబలి తర్వాత చాలా గ్యాప్ తీసుకుని చేసిన సాహో సినిమా బోల్తా కొట్టింది. ఆ తరువాత రాధేశ్యామ్‌ సంగతి సరేసరి. ఎన్నో వివాదాలు, భారీ అంచనాలతో వచ్చిన ఆదిపురుష్ ఆదిలోనే అట్టర్ ఫ్లాప్ అయిన సంగతి తెలిసిందే. దీంతో ప్రభాస్ కెరీర్ పై అభిమానుల్లో ఆందోళనలు మొదలయ్యాయి. పైగా గతంలో వేణు స్వామి ప్రభాస్ తో సినిమా చేయాలని ఫిక్స్ అయితే సదరు నిర్మాతలు కూడా వారి జాతకాలు చెక్ చేసుకోవాలని చెప్పడం ఒకింత సందేహాలకు దారి తీస్తుంది. ఎందుకంటే తను చేసే ప్రతి సినిమా ప్లాప్ అవుతుందని.. జాతకం చూపించుకోకపోతే పెట్టిన పెట్టుబడి కూడా రాదని వేణుస్వామి వ్యాఖ్యానించారు.
తాజాగా ప్రభాస్ జాతకం గురించి వేణు స్వామి మరో బాంబు పేల్చాడు. ప్రభాస్ జాతకంలో ఒక పాము ఉందని దాని కారణంగా ఎంతో పేరు ప్రఖ్యాతలు వస్తాయని.. కానీ అవి ఎక్కువ కాలం నిలవవని చెప్పుకొచ్చాడు. ప్రభాస్ ఎప్పుడెప్పుడు పెళ్లి చేసుకుంటాడా అని ఎదురు చూస్తున్న అభిమానులకు షాక్ ఇచ్చే సంచలన వ్యాఖ్యలు చేశాడు వేణుస్వామి. ప్రభాస్ పెళ్లి ఆలస్యం అవుతుందని.. పెళ్లి చేసుకున్నా ఆయన జీవితంలో అనేక సమస్యలు ఎదురవుతాయని తెలిపాడు. వేణు స్వామి చేసిన వ్యాఖ్యలు ప్రజెంట్ సోషల్ మీడియాలో వైరల్ అవుతున్నాయి.