అక్కినేని కుటుంబం నుండి మూడవ తరం వారసుడిగా అక్కినేని అఖిల్ భారీ అంచనాల నడుమ ఇండస్ట్రీ లోకి లాంచ్ అయిన సంగతి మన అందరికీ తెలిసిందే. మనం సినిమాలో చిన్న గెస్ట్ రోల్ లో కనిపించి, హాలీవుడ్ యాక్షన్ హీరో కి ఏమాత్రం తీసిపోని విధంగా ఉన్నాడు, రాబొయ్యే రోజుల్లో ఇతను ఇండస్ట్రీ ని ఏలేస్తాడు అని అందరూ అనుకున్నారు.
అలా భారీ అంచనాల నడుమ ‘అఖిల్’ అనే చిత్రం తో లాంచ్ అయ్యాడు. వీవీ వినాయక్ దర్శకత్వం లో తెరకెక్కిన ఈ చిత్రం అప్పట్లో భారీ అంచనాల నడుమ విడుదలై అద్భుతమైన ఓపెనింగ్స్ ని దక్కించుకుంది కానీ, కమర్షియల్ గా మాత్రం ఫుల్ రన్ లో డిజాస్టర్ ఫ్లాప్ అయ్యింది.ఇక ఆ తర్వాత వచ్చిన ‘హలో’ చిత్రానికి మంచి టాక్ వచ్చినా కూడా ఎక్కువ రేట్స్ కి బిజినెస్ చెయ్యడం వల్ల కమర్షియల్ గా ఈ చిత్రం కూడా ఫ్లాప్ అయ్యింది.
ఇక ఆ తర్వాత వచ్చిన మిస్టర్ మజ్ను చిత్రం అఖిల్ కెరీర్ లో డిజాస్టర్ గా నిల్చింది, కనీసం పది కోట్ల షేర్ ని కూడా ఈ చిత్రం రాబట్టలేకపోయింది. కానీ గీత ఆర్ట్స్ బ్యానర్ లో బొమ్మరిల్లు భాస్కర్ తెరకెక్కించిన ‘మోస్ట్ ఎలిజిబుల్ బ్యాచిలర్’ చిత్రం మాత్రం కమర్షియల్ గా సక్సెస్ అయ్యింది కానీ,అభిమానులు కోరుకున్న రేంజ్ బ్లాక్ బస్టర్ మాత్రం అవ్వలేదు.వరుసగా లవ్ స్టోరీస్ చేస్తున్న వచ్చిన అఖిల్ ఈసారి రూటు మార్చి స్పై యాక్షన్ థ్రిల్లర్ ‘ఏజెంట్’ తో మన ముందుకు వచ్చాడు.
నిన్న విడుదలైన ఈ సినిమాకి మొదటి ఆట నుండే డిజాస్టర్ టాక్ వచ్చింది.కలెక్షన్స్ నిన్న మ్యాట్నీస్ నుండే దారుణంగా పడిపోయాయి, అఖిల్ కెరీర్ లో బిగ్గెస్ట్ డిజాస్టర్ గా నిలిచింది.ఇది ఇలా ఉండగా అఖిల్ జాతకం పై ప్రముఖ జ్యోతిష్యుడు వేణు గోపాల స్వామి సంచలన కామెంట్స్ చేసాడు.ఆయన మాట్లాడుతూ ‘అఖిల్ జాతకం అసలు బాగాలేదని మొదటి నుండి నేను చెప్తూనే ఉన్నాను, ఆయన జాతకం లో నాగ దోషం ఉంది.
ఆయనకీ ఆయన సొంత నిర్ణయాలు తీసుకుంటే తప్ప సినిమాల్లో విజయం లభించదు. అఖిల్ మొదటి సినిమా నుండి నిన్న విడుదలైన ఏజెంట్ వరకు ఆయన తల్లి అమల గారి ప్రభావం ఎక్కువ ఉంది, ఆమె ఈయన సినిమాల ఎంపిక విషయం లో జోక్యం చేసుకోకపోతే అఖిల్ కి హిట్స్ వస్తాయి’ అని చెప్పుకొచ్చాడు, ఈయన మాట్లాడిన మాటలు ఇప్పుడు సోషల్ మీడియా లో హాట్ టాపిక్ గా మారింది.