Trisha Krishnan గతేడాది విడుదలైన ‘పొన్నియిన్‌ సెల్వన్‌ 1’ కు కొనసాగింపుగా రూపొందిన ‘పీఎస్ 2’ ఈ నెల 28న ప్రేక్షకుల ముందుకు రానుంది. ఈ సందర్భంగా హైదరాబాద్‌లో ఈ చిత్రబృందం ప్రీ రిలీజ్ ఈవెంట్ ఏర్పాటు చేసింది. ఈ వేడుకకు విజయేంద్ర ప్రసాద్‌ ముఖ్య అతిథిగా హాజరై, బిగ్ టికెట్‌ ఆవిష్కరించారు. ఈ ఈవెంట్లో కార్తి, విక్రమ్, జయం రవి, ఐశ్వర్యరాయ్, త్రిష, శోభిత, ఐశ్వర్య లక్ష్మి పాల్గొని సందడి చేశారు. ముద్దుగుమ్మలు త్రిష, ఐశ్వర్యారాయ్ రాయల్ లుక్లో సందడి చేశారు.
ముఖ్యంగా పీఎస్2 ఈవెంట్లో త్రిష రాయల్ లుక్లో మహారాణిలా కనిపించింది. బ్లాక్ కలర్ శారీలో తన సొగసుతో వలపు బాణం విసిరింది. త్రిష, శారీ డెడ్లీ కాంబినేషన్ అన్న విషయం తెలిసిందే. అందులోనూ బ్లాక్ కలర్. ఇక ఈ చీరలో త్రిష అందం గురించి ఎంత చెప్పుకున్నా తక్కువే. బ్లాక్ శారీలో స్లీవ్ లెస్ బ్లౌజుల్ మెడలో డైమండ్ నెక్లెస్తో సింపుల్ బట్ ఎలిగెంట్గా త్రిష లుక్ అదిరిపోయింది.
ప్రస్తుతం త్రిష లేటెస్ట్ ఫొటోలు నెట్టింట సందడి చేస్తున్నాయి. ఈ బ్యూటీ అందాన్ని చూసి కుర్రాళ్లు ఫిదా అవుతున్నారు. తన క్యూట్నెస్తో ఈ చెన్నై చిన్నది కుర్రాళ్ల గుండెల్ని కొల్లగొడుతోంది. త్రిష ఫొటోలు చూసిన కుర్రాళ్లు.. చెన్నై చంద్రమా.. మనసే చే జారే అంటూ పాటలు పాడుకుంటున్నారు. మరికొందరేమో ఆ కాటుక కళ్లు చూసి.. నల్లానల్లాని కళ్ల పిల్లా.. అంటూ హమ్ చేస్తున్నారు. వయసు పెరుగుతున్న కొద్ది ఈ భామ అందం మరింత పెరుగుతోందని కుర్రాళ్లు కామెంట్లు చేస్తున్నారు. త్రిష.. నీ బ్యూటీ సీక్రెట్ ఏంటి అంటూ అమ్మాయిలు అడుగుతున్నారు.
ఈ ఈవెంట్లో త్రిష తన క్యూట్ మాటలతో హైదరాబాద్ ప్రేక్షకులను ఆకట్టుకుంది. ‘‘హైదరాబాద్ ఎప్పుడూ నా హోమ్‌టౌన్‌లానే అనిపిస్తుంది. ‘పీఎస్ 1’లో పాత్రల పరిచయం, కొన్ని పాటలు చూశారు. ‘పీఎస్ 2’లో అసలు కథ మొదలవుతుంది. తప్పకుండా థియేటర్‌కు వెళ్లి ఈ చిత్రాన్ని చూడండి. మమ్మల్ని ఆదరించండి’’ అని ఈ చెన్నై బ్యూటీ తన క్యూట్ క్యూట్ స్పీచ్తో ఫ్యాన్స్ను అలరించింది.