మెగాస్టార్ చిరంజీవి హీరో గా నటిస్తున్న ‘భోళా శంకర్’ మూవీ ఆగష్టు 11 వ తేదీన ప్రపంచవ్యాప్తంగా ఘనంగా విడుదల కాబోతున్న సంగతి అందరికీ తెలిసిందే. ఈ సందర్భంగా ఈ చిత్రానికి సంబంధించిన టీజర్ ని ఈనెల 24 వ తేదీన విడుదల చేయబోతున్నట్టు మేకర్స్ కాసేపటి క్రితమే అధికారికంగా ప్రకటించారు. మెహర్ రమేష్ దర్శకత్వం లో తెరకెక్కుతున్న ఈ సినిమాలో తమన్నా హీరోయిన్ గా నటిస్తుండగా, కీర్తి సురేష్ మెగాస్టార్ చిరంజీవి కి చెల్లెలుగా నటిస్తుంది.
తమిళం లో సూపర్ హిట్ గా నిల్చిన అజిత్ వేదలమ్ చిత్రానికి రీమేక్ గా ఈ సినిమా తెరకెక్కుతుంది. పేరుకి రీమేక్ అయ్యినప్పటికీ మెగాస్టార్ చిరంజీవి బాడీ లాంగ్వేజ్ కి తగ్గట్టుగా స్క్రిప్ట్ లో మార్పులు చేర్పులు చేసి, ఫ్యాన్స్ పండుగ చేసుకునే విధంగా ఈ సినిమాని తెరకెక్కిస్తున్నాడట. ఇప్పటికే ఈ సినిమాకి సంబంధించిన మొదటి పాట ని విడుదల చెయ్యగా దానికి మంచి రెస్పాన్స్ వచ్చింది.
ఈ సినిమాకి మణిశర్మ కొడుకు మహతి సాగర్ సంగీతం అందిస్తున్నాడు.ఇక పోతే ఎల్లుండి విడుదల అవ్వబొయ్యే టీజర్ లో మెగాస్టార్ మార్క్ హీరోయిజం మరియు ఎలివేషన్ సన్నివేశాలు ఉంటాయట. వాటితో పాటుగా ఈ టీజర్ లో ఒక పవర్ ఫుల్ డైలాగ్, కామెడీ షాట్స్ మరియు రొమాంటిక్ షాట్స్ ఇలా చిరంజీవి సినిమా నుండి ఏవైతే అన్నీ ఉండాలని కోరుకుంటారో, అవన్నీ ఈ టీజర్ లో ఉంటుందట. మెహర్ రమేష్ తాను ఇండస్ట్రీ లోకి అడుగుపెట్టినప్పటి నుండి ఆయన కెరీర్ లో ఒక్కటంటే ఒక్క హిట్ కూడా లేదు.
టాప్ హీరోల సంగతి సరేసరి, మీడియం రేంజ్ హీరోలు కూడా మెహర్ రమేష్ తో సినిమాలు చెయ్యడానికి భయపడతారు. అలాంటిది మెగాస్టార్ చిరంజీవి లాంటి స్టార్ పిలిచి మరీ అవకాశం ఇచ్చాడంటే కచ్చితంగా తనని తాను నిరూపించుకునేందుకు మెహర్ రమేష్ ఈ సినిమాని చాలా కసితో తీసాడని అంటున్నారు.మరి ఆయన ఎంత కసితో తీసాడు అనేది ఎల్లుండి విడుదల అవ్వబొయ్యే టీజర్ తో అందరికీ ఒక క్లారిటీ వస్తుంది.
