మెగాస్టార్ సినిమా వస్తుందంటేనే అభిమానులకు పండుగే. కాకపోతే చిరంజీవి సెకండ్ ఇన్నింగ్స్ లో వచ్చిన సినిమాల్లో చాలా వరకు ఆశించిన స్థాయిలో ఆడలేదు. దీంతో మెగా ఫ్యాన్స్ లో కాస్తంత అసహనం నెలకొంది. ఈ ఏడాది సంక్రాంతికి వచ్చిన వాల్తేరు వీరయ్య సినిమా కలెక్షన్ల పరంగా ఫర్వాలేదు అనిపించినా.. చెప్పుకోదగ్గ హిట్టైతే కాదనే చెప్పాలి. దీంతో తర్వాత వచ్చిన భోళా శంకర్ పైనే మెగా అభిమానుల్లో అశలు పెంచారు. కానీ మళ్లీ అదే సీన్ రిపీట్ అయింది.
విడుదలైన ఫస్ట్ షో నుంచే డివైడ్ టాక్ తో డిజాస్టర్ గా నిలిచింది. దీంతో వరుస పరాజయాలు రావడంతో మెగా గ్రాఫ్ పడిపోతుంది. సరైన హిట్ ఇప్పుడు చిరంజీవికి చాలా అవసరం. దీంతో తర్వాత ఎంచుకునే కథతో కచ్చితంగా హిట్ కొట్టాల్సిన అవసరం చిరుకు ఎంతైనా ఉంది. అసలు చిరంజీవి వరుస పరాజయాలను అందిస్తోన్న మెహర్ రమేష్ కు ఛాన్స్ ఇచ్చే సాహసం చేశారని చెప్పుకోవాలి. ఈ సినిమాతో మెహర్ రమేష్ మరోసారి రాడ్ డైరెక్టర్ గా పేరు తెచ్చుకున్నారు.
భోళా శంకర్ డిజాస్టర్ తర్వాత ఆయన చేయబోవు నెక్ట్స్ సినిమాపై అభిమానులు ఆసక్తిగా ఎదురు చూస్తున్నారు. మళ్లీ ఎలాంటి డైరెక్టర్ ను దించుతారా అన్న భయం వారిలో నెలకొంది. అయితే చిరు నెక్ట్స్ సినిమా డైరెక్టర్ గురించి ఆసక్తి కర విషయం వైరల్ అవుతోంది. మన్మథుడు నాగార్జునకు సోగ్గాడే చిన్నినాయన, బంగార్రాజు వంటి సూపర్ హిట్ చిత్రాలు అందించిన కళ్యాణ్ కృష్ణతో ఓ సినిమా చేయబోతున్నాడని తెలుస్తోంది.
వెంటనే నందమూరి కళ్యాణ్ రామ్ కు కెరీర్లోనే బిగ్గెస్ట్ హిట్ అందించిన దర్శకుడు వశిష్టతో చిరు ఓ అంటూ వార్తలు వస్తున్నాయి. అదేవిధంగా నందమూరి హీరో కళ్యాణ్ రామ్‌కు బింబిసారాతో బంపర్ హిట్ ఇచ్చిన యువ దర్శకుడు ఓ సోషియో ఫాంటసీ మూవీ చేయబోతున్నాడని వార్తలు హల్ చల్ చేస్తున్నాయి. చిరు కూడా వశిష్టకు గ్రీన్ సిగ్నల్ ఇచ్చినట్టు తెలుస్తుంది. ఈ సినిమా షూటింగ్ కూడా నవంబర్లో మొదలు కాబోతున్నట్లు సమాచారం. చూడాలి ఈ వార్తలో నిజమెంతుందో !