Taapsee Pannu : ఝుమ్మంది నాదం సినిమాతో తెలుగుతెరకు పరిచయామైన బ్యూటీ తాప్సీ. సొట్టబుగ్గలతో తెలుగు ప్రేక్షకులను ఉర్రుతలూగించిన ఈ భామ స్టార్ హీరోలతో నటించింది కానీ, అంతగా విజయాలను అందుకోలేదు. దీంతో తాప్సీ.. టాలీవుడ్ ను వదిలి బాలీవుడ్ కు వెళ్ళిపోయింది. అక్కడ వరుస లేడీ ఓరియెంటెడ్ సినిమాలు తీస్తూ మంచి విజయాలను అందుకుంది. అంతేనా.. ఫైర్ బ్రాండ్ కంగనాతో వివాదానికి కూడా దిగింది. దీంతో మరింత ఫేమస్ అయ్యింది. కాస్తా తీరిక చిక్కినప్పుడల్లా.. ఈ చిన్నది వివాదాలను ఏరికోరి తెచ్చుకుంటూ ఉంటుంది.
ఇక ఇవన్నీ పక్కన పెడితే.. తాజాగా తాప్సీ అనిమల్ సినిమాపై పడింది. బాలీవుడ్ స్టార్ హీరో రణ్‍బీర్ కపూర్ నటించిన లేటెస్ట్ మూవీ యానిమల్.. అర్జున్ రెడ్డి ఫేమ్ సందీప్ రెడ్డి వంగా తెరకెక్కించిన ఈ మూవీ భారీ బ్లాక్‍బాస్టర్ హిట్ అయింది.డిసెంబర్ 1న థియేటర్లలో రిలీజైన యానిమల్ మూవీ సుమారు రూ.910 కోట్ల కలెక్షన్లను సాధించింది. ఇప్పుడు ఓటీటీలోనూ ఈ సినిమా సత్తా చాటుతోంది. ఓటిటీలోకి వచ్చాకా ఈ సినిమాపై చాలామంది సెలబ్రిటీలు ఫైర్ అవుతున్నారు. ఇక తాజాగా వారి లిస్ట్ లోకి తాప్సీ కూడా వచ్చి చేరింది.
ఒక ఇంటర్వ్యూలో ఆమె మాట్లాడుతూ.. ‘‘యానిమల్ ఒక సినిమానా.. ?.. అసలు ఈ సినిమాలో నటీనటులు ఎలా నటించారు. : నేను అయితే యానిమల్ లో నటించేదాన్ని కాదు.. ఇండస్ట్రీలో ఉన్న నటీనటులకు చాలా పవర్ ఉంటుంది. వాళ్ళు చేసే ఏ సినిమా అయినా సమాజాన్ని దృష్టిలో పెట్టుకొని చేయాలి. అలాగని యానిమల్ తరహా చిత్రాల్లో నటించే.. ఇతర తారలు ఇలాంటివీ పట్టించుకుంటే బాగుంటుందని నేను చెప్పలేను” అని చెప్పుకొచ్చింది. ప్రస్తుతం ఈ వ్యాఖ్యలు నెట్టింట వైరల్ గా మారాయి. రష్మికను తక్కువ చేసి మాట్లాడిందనే కామెంట్స్ వినిపిస్తున్నాయి.