Sr NTR : తెలుగు చలన చిత్ర పరిశ్రమకి గర్వ కారణం లాంటి మహానుభావుడు స్వర్గీయ నందమూరి తారకరామారావు గారు. ఇండస్ట్రీ పుట్టినప్పటి నుండి హీరో గా కొనసాగుతూ వచ్చిన ఈయన పోషించని పాత్ర అంటూ ఏది మిగిలి లేదు. పౌరాణిక పాత్రలకు ప్రాణం పోసిన ఏకైక నటుడు ఆయన. కేవలం సినిమాల్లో మాత్రమే కాకుండా, రాజకీయాల్లో కూడా ఎన్టీఆర్ ఎలాంటి ప్రభంజనం సృష్టించాడో మన అందరికీ తెలిసిందే.
ఎన్నికలకు ఆరు నెలల ముందు తెలుగు దేశం పార్టీ ని స్థాపించి 270 కి పైగా స్థానాల్లో గెలుపొంది, ప్రభుత్వాన్ని స్థాపించి చరిత్ర సృష్టించాడు. అప్పట్లో ఎన్టీఆర్ సృష్టించిన ప్రభంజనం ని అందుకునే రేంజ్ లో ఇప్పటి వరకు ఎవ్వరూ దరిదాపుల్లోకి కూడా రాలేకపోయారు. ఇక ఆయన చనిపోయిన తర్వాత నారా చంద్రబాబు నాయుడు తెలుగు దేశం పార్టీ పగ్గాలను చేపట్టి, మూడు సార్లు ముఖ్యమంత్రి అయ్యి, తెలుగు దేశం పార్టీ ని ఎంతో పటిష్టం గా, బలమైన శక్తిగా ముందుకు తీసుకెళ్లాడు.
ఇది ఇలా ఉండగా ఎన్టీఆర్ వృద్దాప్యం లో లక్ష్మీ పార్వతి అనే ఆమెని పెళ్లి చేసుకున్న సంగతి అందరికీ తెలిసిందే. ఈమెకి నందమూరి కుటుంబం మొత్తం వ్యతిరేకం,కేవలం ఈమె కారణంగానే ఎన్టీఆర్ కొడుకులు మరియు కూతుర్లు ఎన్టీఆర్ తో గొడవలు పెట్టుకొని విడిపోయారని ఎప్పటి నుండో ఇండస్ట్రీ లో ఉన్న టాక్. లక్ష్మీ పార్వతి అప్పటి నుండి ఇప్పటి వరకు ఎన్టీఆర్ కుటుంబ సభ్యులపై ఆరోపణలు చేస్తూనే ఉంది.
రీసెంట్ గా ఆమె మీడియా ముందుకు వచ్చి మాట్లాడిన కొన్ని మాటలు ఇప్పుడు సోషల్ మీడియా లో సెన్సేషనల్ గా మారింది. అదేమిటంటే ఎన్టీఆర్ కూతురు అలియాస్ చంద్రబాబు నాయుడు భార్య భువనేశ్వరి ఆరోజుల్లో ఎన్టీఆర్ చనిపోవాలని, తన కొడుకు ముఖ్య మంత్రి అవ్వాలని క్షుద్ర పూజలు చేసిందంటూ మీడియా ముందు బాంబు పేల్చింది. అంతే కాదు చంద్ర బాబు నాయుడు నీచుడు అని తెలిసి కూడా, తండ్రికి వెన్నుపోటు పొడవడం లో భువనేశ్వరి పాత్ర చాలా ఉందంటూ ఆమె చేసిన వ్యాఖ్యలు ఇప్పుడు సోషల్ మీడియా లో వైరల్ గా మారింది.