Skanda : ‘అఖండ’ వంటి సెన్సేషనల్ బ్లాక్ బస్టర్ తర్వాత బోయపాటి శ్రీను హీరో రామ్ తో ‘స్కంద’ అనే చిత్రం చేసిన సంగతి అందరికీ తెలిసిందే. ఈ చిత్రానికి హైప్ జనాల్లో మామూలు రేంజ్ లో లేదు, నిన్న ఈ సినిమాకి సంబంధించిన ట్రైలర్ ని విడుదల చేసారు. ఈ ట్రైలర్ ని చూసిన తర్వాత ఇంత ఫ్యాన్స్ మరియు ఆడియన్స్ నుండి సోషల్ మీడియా లో విపరీతమైన డివైడ్ టాక్ వచ్చింది.
కొత్త డైరెక్టర్లు సరికొత్త ఆలోచనలతో, అద్భుతమైన కంటెంట్ తో పాన్ ఇండియా రేంజ్ కి మన తెలుగు సినిమాని తీసుకెళ్తుంటే బోయపాటి శ్రీను లాంటి డైరెక్టర్స్ అవే పాత తరహా రొటీన్ స్టోరీస్ తో , అవే రోత డైలాగ్స్ తో ఆడియన్స్ కి చిరాకు కలిగిస్తున్నారని, పీక్ రేంజ్ లో వెళ్తున్న తెలుగు సినిమాని క్రిందకి లాగే ప్రయత్నం చేస్తున్నారు అంటూ నెటిజెన్స్ కామెంట్ చేస్తున్నారు.
ఈ ట్రైలర్ లో రామ్ డైలాగ్స్, శృతి మించిన యాక్షన్ సీన్స్ ఆయనకీ సూట్ కాలేదు అనిపించింది. బోయ మాస్ ని మ్యాచ్ చెయ్యగలిగే ఏకైక హీరో బాలయ్య మాత్రమే అని, బాలయ్య కి తప్ప బోయపాటి శ్రీను మరో హీరోకి పనికి రాడని, ముఖ్యంగా యంగ్ హీరోలు అసలు సూట్ అవ్వరు అంటూ నెటిజెన్స్ నుండి వినిపిస్తున్న మాట.
గతం లో రామ్ చరణ్ తో ‘వినయ విధేయ రామ’, ఎన్టీఆర్ తో ‘దమ్ము’ వంటి అట్టర్ ఫ్లాప్ సినిమాలు తీసాడని, కేవలం ‘సరైనోడు’ మాత్రమే ఆయన యంగ్ హీరోస్ తో కొట్టిన హిట్ అంటూ కామెంట్ చేస్తున్నారు. బోయపాటి శ్రీను తరహా రొటీన్ మాస్ సినిమా అయ్యినప్పటికీ , ఈ చిత్రం కచ్చితంగా మాస్ ఆడియన్స్ ని అలరిస్తుందని అంటున్నారు విశ్లేషకులు. మరి వారి అంచనాలు నిజం అవుతాయో లేవో తెలియాలంటే సెప్టెంబర్ 15 వరకు ఆగాల్సిందే.