సింహాద్రి యంగ్ టైగర్ ఎన్టీఆర్ పుట్టినరోజు ఈ నెల 20 వ తారీఖున జరగబోతున్న సందర్భంగా, ఫ్యాన్స్ ప్రపంచవ్యాప్తంగా ఎన్టీఆర్ కెరీర్ లో సెన్సషనల్ బ్లాక్ బస్టర్ గా నిల్చిన సింహాద్రి సినిమాని రీ రిలీజ్ చెయ్యబోతున్న సంగతి తెలిసిందే.కొడితే ఈసారి ఆల్ టైం రికార్డు కాదు, నాన్ సింహాద్రి రికార్డ్స్ అవ్వాలనే కసితో ఈ మూవీ ని ప్రమోట్ చేస్తున్నారు ఫ్యాన్స్.
ప్రస్తుతం ఇప్పటి వరకు రీ రిలీజ్ అయిన సినిమాలలో పవర్ స్టార్ పవన్ కళ్యాణ్ హీరో గా నటించిన ఖుషి చిత్రానికి ఆల్ టైం రికార్డు గ్రాస్ వచ్చింది.మొదటి రోజు నాలుగు కోట్ల 20 లక్షల రూపాయిలు, అలాగే ప్రపంచవ్యాప్తంగా 7 కోట్ల 80 లక్షల రూపాయిల గ్రాస్ వసూళ్లను రాబట్టింది. ఇది ఇప్పుడు కేవలం టాలీవుడ్ లో మాత్రమే కాదు, ఇండియా లోనే ఆల్ టైం రికార్డు అని చెప్పొచ్చు.
ఇప్పుడు ఈ రికార్డు ని కొట్టడానికి ఎన్టీఆర్ ఫ్యాన్స్ చాలా గట్టిగా కష్టపడుతూన్నారు, ఇక ఈ సినిమా రీ రిలీజ్ అడ్వాన్స్ బుకింగ్స్ ఇప్పటికే కొన్ని ప్రాంతాలలో ప్రారంభం అయ్యింది. ముఖ్యంగా అమెరికా లో ఈ చిత్రం వందకి పైగా లొకేషన్స్ లో కనీవినీ ఎరుగని రేంజ్ లో విడుదల కాబోతుంది. కేవలం అడ్వాన్స్ బుకింగ్స్ ద్వారా ఈ సినిమా ఇప్పటి వరకు 4 వేల డాలర్లు వసూలు చేసింది.
ఇది ప్రీ రిలీజ్ బుకింగ్స్ లోనే ఆల్ టైం రికార్డు స్టార్ట్ అని అంటున్నారు ట్రేడ్ పండితులు, ఇదే ట్రెండ్ కొనసాగిస్తూ పోతే మొదటి రోజే ఈ చిత్రం లక్ష డాలర్లకు పైగా వసూలు చేస్తుందని అంటున్నారు. విడుదలకు ఇంకా పది రోజులు ఉండగానే, ఈ రేంజ్ రికార్డ్స్ పెడుతుంది అంటే, ఇక విడుదల తర్వాత అభిమానులు చెప్పినట్టుగానే నాన్ సింహాద్రి రికార్డ్స్ అనే రేంజ్ లో బాక్స్ ఆఫీస్ ని బద్దలు కొడుతుంది అనడం లో ఎలాంటి అతిశయోక్తి లేదు.