దక్షిణాదిన అగ్ర కథానాయికల్లో సమంత ఒకరు. ఏమాయ చేశావే సినిమాతో టాలీవుడ్ ప్రేక్షకుల హృదయాలను కొల్లగొట్టిన ఈ క్యూట్‌ భామ ఆ తర్వాత వరుస సినిమాలతో దూసుకుపోతుంది. ఇప్పటికి సమంత ఇండస్ట్రీకి వచ్చి 12 ఏళ్లు పూర్తయ్యింది. మెుదటి సినిమాకు ఆమెకు ఎన్నో అవార్డులు దక్కాయి. ఆ తర్వాత పలు భాషల్లో సినిమాలు చేస్తూ స్టార్‌ హీరోయిన్‌గా ఎదిగింది. అయితే ప్రస్తుతం సమంత సినిమాలు తగ్గించేసింది. వరుస ఫ్లాప్‌లు రావటంతో అవకాశాలు తగ్గాయంటూ వార్తలు వస్తున్నాయి. అయితే సమంత కావాలనే ప్రాజెక్ట్‌లు ఒప్పుకోలేదని మరికొందరు అంటున్నారు.
టాలీవుడ్‌లో ప్రస్తుతం సమంతకు స్టార్‌ హీరోల సరసన అవకాశాలు రావట్లేదంటూ పుకార్లు షికారు చేస్తున్నాయి. సమంతకు ఈ మధ్య కాలంలో ఏ ఒక్క స్టార్‌ హీరో సినిమాల్లో కూడా అవకాశం రాలేదు. స్టార్‌ హీరోల సినిమాలకు ఆమె జోడీ కాదంటూ చాలా మంది అభిప్రాయం వ్యక్తం చేస్తున్నారని సమాచారం. తెలుగు హీరోలు కొద్ది మంది మాత్రమే సమంతను హీరోయిన్‌గా కోరుకుంటున్నారట. ఎక్కువ శాతం మంది మాత్రం ఆమెను పట్టించుకోవడం లేదు అంటూ వార్తలు వస్తున్నాయి. అయితే సమంత ఫోకస్‌ అంతా బాలీవుడ్‌పైనే ఉందని మరికొన్ని విశ్లేషణలు చెబుతున్నాయి. ఇకపై అన్ని సినిమా లు అక్కడే చేయాలని పూర్తి సమయం అక్కడే కేటాయించాలని భావిస్తున్నట్లుగా వార్తలు వినిపిస్తున్నాయి. అయితే ఈ విషయంపై క్లారిటీ రావాల్సి ఉంది.
ప్రస్తుతం సమంత సెర్బియాలో ఎంజాయ్‌ చేస్తోంది. ‘శాకుంతలం’ తర్వాత సమంత నటిస్తున్న యాక్షన్‌ ప్యాక్డ్‌ ఎంటర్‌టైనర్‌ వెబ్‌సిరీస్‌ ‘సిటడెల్‌’. రాజ్‌ అండ్‌ డీకే దీన్ని తెరకెక్కిస్తున్నారు. వరుణ్‌ ధావన్‌ – సమంత ప్రధాన పాత్రల్లో నటిస్తున్న ఈ సిరీస్‌ ప్రస్తుతం షూటింగ్‌ జరుపుకుంటుంది. ఇండియాలో ఓ షెడ్యూల్‌ పూర్తి చేసిన చిత్ర బృందం.. కొత్త షెడ్యూల్‌ కోసం ఇటీవల సెర్బియా వెళ్లింది. ఇక సెర్బియాలోని ఓ క్లబ్‌లో ‘ఊ అంటావా మావా’ పాటను ప్లే చేయగా సమంత డ్యాన్స్‌ చేసిన వీడియో సోషల్‌ మీడియాలో తెగ వైరల్‌ అవుతోంది.