తెలుగులో చాలాకాలం పాటు స్టార్ హీరోయిన్లుగా రాణించిన వాళ్లలో సమంత ఒకరు. ఏ మాయచేశావే సినిమాతో నాగ చైతన్య సరసన హీరోయిన్ గా ఎంట్రీ ఇచ్చి అనతి కాలంలోనే అగ్ర కథానాయికగా ఎదిగింది. ఆ తర్వాత వరస సినిమాలతో ప్రేక్షకులను మెప్పించింది. ఇండస్ట్రీలో ఉన్న స్టార్ హీరోలందరితో నటించింది. తెలుగుతో పాటు తమిళ్, హిందీ భాషలోనూ చేసి అభిమానులను సంపాదించుకుంది. స్టార్ హీరోలకు సరిసమానంగా పారితోషకం అందుకుంటూ రాణిస్తోంది. నాగ చైతన్యను ప్రేమించి పెళ్లి చేసుకొని.. వివాహ జీవితానికి స్వస్తి పలికింది. ఆ తర్వాత మయోసైటిస్ వ్యాధికి గురై వార్తలో నిలిచింది. ప్రస్తుతం సమంత సినిమాలకు ఏడాది పాటు బ్రేక్ ఇచ్చింది.
అయితే తను తాజాగా సమంత టాలీవుడ్ రౌడీ బాయ్ విజయ్ దేవరకొండతో కలిసి ఖుషి సినిమాలో నటించిన సంగతి తెలిసిందే. ఈ సినిమా రేపు అనగా సెప్టెంబర్ 1న థియేటర్లలోకి రాబోతుంది. అనారోగ్య కారణంతో సినిమాలకు బ్రేక్ ఇచ్చిన సమంత అమెరికా వెళ్లి అక్కడ ట్రీట్ మెంట్ చేయించుకోబోతుంది. దీంతో శివనిర్వాణ దర్శకత్వంలో వచ్చిన ఈ ఖుషి సినిమా ప్రమోషన్లలో కూడా పాల్గొన లేకపోతుంది. హీరో విజయ్ ఒక్కడే సినిమా ప్రమోషన్లను తన భుజాలపై వేసుకున్నాడు.
సాధారణంగా ఏ నటులైనా సినిమా ఒప్పుకున్నారంటే ఆ సినిమాకు సంబంధించిన ప్రమోషన్స్ కు కూడా కలుపుకునే రెమ్యునరేషన్ తీసుకుంటూ ఉంటారు. అలాగే సమంత కూడా దానికి ఒప్పుకునే అగ్రిమెంట్ పై సంతకం పెట్టిందట. కానీ అనుకొని విధంగా అనారోగ్యం బారిన పడడంతో ఏడాది పాటు సినిమాలకు దూరంగా ఉండాల్సి వచ్చింది. దీంతో ఖుషి ప్రమోషన్స్ లో పాల్గొనలేకపోయింది. దీని కారణంగా నిర్మాతలకు నష్టం వచ్చిందని తెలిసి సమంత తన రెమ్యూనరేషన్ లో రూ.కోటి వారికి తిరిగి ఇచ్చేసిందట. ఈ విషయం ప్రస్తుతం సోషల్ మీడియాలో వైరల్ అయింది. దీంతో సమంత మంచితనాన్ని అందరూ మెచ్చుకుంటున్నారు.