అవును, మీరు చదివింది నిజమే. టాలీవుడ్ స్టార్ హీరోయిన్ సమంత మళ్లీ పెళ్లి చేసుకుంది అనే వార్త సోషల్ మీడియాలో హల్ చల్ చేస్తోంది. చికిత్స తర్వాత ఎట్టకేలకు కోలుకున్న సమంత, శాకుంతలం చిత్రంలో నటించింది. అది డిజాస్టర్ గా నిలిచింది. ప్రస్తుతం ఆమె మజిలీ దర్శకుడు శివ నిర్వాణ డైరెక్షన్లో విజయ్ దేవరకొండతో కలిసి ‘ఖుషి’ సినిమా చేస్తున్న సంగతి తెలిసిందే. సమంత ఆరోగ్య సమస్యల కారణంగా ఖుషీ షూటింగ్ వాయిదా పడింది. కాగా, ఖుషీ షూటింగ్ చివరి దశకు చేరుకుంది. మహానటి తర్వాత మరోసారి విజయ్ దేవరకొండతో సమంత స్ర్కీన్ షేర్ చేసుకుంటోంది.
దర్శకుడు శివ నిర్వాణ ఈ సినిమాను రొమాంటిక్ లవ్ స్టోరీగా తెరకెక్కిస్తున్నారు. అయితే ఇటీవల షూటింగ్ లొకేషన్ నుండి లీకైన ఒక వీడియో ఇంటర్నెట్‌లో బాగా వైరల్ అవుతోంది. ఈ వీడియోలో సమంత, విజయ్ దేవరకొండ ఇద్దరూ సంప్రదాయ దుస్తులలో వధూవరులుగా కనిపించారు. ఓ గుడిలో పూజ జరుగుతోంది. దీన్ని బట్టి చూస్తే ఇది పెళ్లి సెటప్ లా ఉందని అర్థం చేసుకోవచ్చు. ఇక్కడ సమంత ఎరుపు రంగు చీరలో మెరిసిపోతుంది. ఇక విజయ్ దేవరకొండ పంచెకట్టుతో కనిపించారు. ఇప్పటికే ఈ చిత్రంలోని ‘నా రోజా నువ్వే’ అనే పాట ట్రెండింగ్‌లో ఉంది.
కాకపోతే సమంత మరోసారి అభిమానులకు షాక్ ఇచ్చింది. విశ్వసనీయ వర్గాల సమాచారం ప్రకారం.. ఆరోగ్య కారణాలతో ఆమె ఏడాది పాటు షూటింగ్‌కు దూరంగా ఉండబోతున్నట్లు సమాచారం. దీంతో తను తదుపరి సినిమాల కోసం తీసుకున్న అడ్వాన్స్ లను నిర్మాతలకు తిరిగి ఇచ్చేస్తుందనే వార్తలు కూడా వినిపిస్తున్నాయి. ఇదిలా ఉంటే సమంత తర్వాత వస్తున్న సినిమాలు కూడా హీరోయిన్ ఓరియెంటెడ్ చిత్రాలేనట. ఏది ఏమైనా జీవితంలో ఎన్ని ఒడిదుడుకులు ఎదురైనా సమంత కెరీర్ ఊపందుకుంటుంది.