Salman Khan ప్రముఖ బాలీవుడ్ సూపర్ స్టార్ సల్మాన్ ఖాన్ పై గత కొద్ది రోజుల క్రితం కాల్పులు జరిగిన సంగతి మన అందరికీ తెలిసిందే. ఈ ఘటనపై సుదీర్ఘ విచారణ జరిపిన ముంబై క్రైమ్ బ్రాంచ్ పోలీసులు సోమవారం నాడు ఛార్జ్ షీట్ దాఖలు చేసారు. 1735 పేజీల ఛార్జ్ షీట్ తో పాటు కేసుకి సంబంధించి మూడు వాల్యూమ్ల డాకుమెంట్స్ ని ముంబైలోని మాకైక కోర్టులో పోలీసులు అప్పగించారు. ఇప్పటికే ఈ కేసు మీద జైలులో ఉన్న లారెన్స్ బిష్ణోయ్ తో పాటు, మరో 9 మంది పేర్లను ఛార్జి షీట్ లో చేర్చారు. వీరిలో ఇప్పటికే ఆరు మంది అరెస్ట్ కాగా, ముగ్గురు పరారీలో ఉన్నారు. లారెన్స్ బిష్ణోయ్ సోదరుడు అన్మోల్ బిష్ణోయ్ కెనడా నుండి సల్మాన్ ఖాన్ ని హతమార్చేందుకు ప్రణాళికలు రచించాడని క్రైమ్ బ్రాంచ్ పోలీసులు చెప్తున్న మాట.
ఏప్రిల్ 14 వ తేదీన సల్మాన్ ఇంటి పై కాపులు జరిపే ముందు అన్మోల్ బిష్ణోయ్ నిందితులకు చెరో మూడు లక్షల రూపాయిలు ఇచ్చాడని అంటున్నారు. ఈ విషయం ఇప్పుడు సోషల్ మీడియా లో హాట్ టాపిక్ గా మారింది. చాలా కాలం నుండే సల్మాన్ ఖాన్ హత్యకి కుట్రలు జరుగుతూనే ఉన్నాయి. ఎన్నోసార్లు ఆయనకీ బెదిరింపు మెసేజిలు కూడా వచ్చాయి. ఇకపోతే సల్మాన్ ఖాన్ ప్రస్తుతం మురగదాస్ దర్శకత్వం లో సికందర్ అనే చిత్రం చేస్తున్నాడు. గత కొంతకాలం గా సరైన హిట్ లేక ఇబ్బంది పడుతున్న సల్మాన్ ఖాన్ కి, ఈ చిత్రం లో అయినా హిట్ అవ్వాలని అభిమానులు కోరుకుంటున్నారు.
భారీ అంచనాల విడుదలైన సల్మాన్ ఖాన్ గత చిత్రం టైగర్ 3 కూడా బాక్స్ ఆఫీస్ వద్ద అనుకున్న స్థాయిలో విజయం సాధించలేదు. అంతకు ముందు ఆయన చేసిన కిసీ కా భాయ్..కిసీ కా జాన్ చిత్రం కూడా పెద్ద డిజాస్టర్ గా నిల్చింది. మరోపక్క ఆయన తోటి స్టార్ హీరో షారుక్ ఖాన్ కం బ్యాక్ ఇచ్చి రెండు సార్లు 1000 కోట్ల రూపాయిల గ్రాస్ ని కొల్లగొట్టాడు.ఇప్పుడు సల్మాన్ ఖాన్ కం బ్యాక్ కోసం బాలీవుడ్ మొత్తం ఎదురు చూస్తుంది. ఈ ప్రాజెక్ట్ తో పాటు అతి త్వరలోనే ఆయన రజినీకాంత్ తో కలిసి అట్లీ దర్శకత్వం లో ఒక మల్టీస్టార్ర్ర్ చెయ్యబోతున్నాడు.