Rashmika Mandanna : నేషనల్ లెవల్లో ప్రస్తుతం రష్మిక పేరు మార్మోగిపోతుంది అనడంలో సందేహం లేదు. ఆమె గురించి ఇప్పుడు తెలియని వారుండరు. ప్రస్తుతం స్టార్ హీరోయిన్ అయిపోయింది. ఆమె గురించి ప్రత్యేకమైన పరిచయం అవసరం లేదు. ఛలో సినిమాతో ఇండస్ట్రీ లోకి అడుగుపెట్టింది ఈ ముద్దుగుమ్మ. మొదటి సినిమాతోనే మంచి సక్సెస్ అందుకుంది. ఆ తర్వాత కూడా తన విజయాల పరంపర కొనసాగిస్తూనే ఉంది. ఇక తాజాగా వచ్చిన యానిమల్ సినిమాలో హీరోయిన్ గా నటించి ప్రేక్షకులకు మరింత దగ్గరైంది.
ఇక ఇలాంటి నేపథ్యంలోనే రష్మిక గురించి కొన్ని ఆసక్తికర విషయాలు సోషల్ మీడియాలో ట్రెండ్ అవుతున్నాయి. ప్రముఖ జ్యోతిష్కుడు వేణు స్వామి గురించి అందరికీ తెలిసిందే. సెలబ్రిటీల జాతకాలు చెబుతూ ఫేమస్ అయ్యాడు. యూట్యూబ్ లో నిత్యం కనిపిస్తూ.. ఏదో ఏదో ఒక సెలబ్రిటీ జీవితంలో ఒక బాంబ్ పెడుతూ ఉంటాడు. అలాగే చాలామంది హీరోయిన్లకు రాజశ్యామల యాగం కూడా చేశాడు చేస్తున్నాడు. ఇక ప్రస్తుతం రష్మిక కూడా రహస్యంగా వేణు స్వామితో.. రాజశ్యామల యాగం జరిపించుకుందట. ఇక ఇందుకు సంబంధించిన ఫోటోలు సోషల్ మీడియాలో వైరల్ అవుతున్నాయి. ఇక ఈ ముద్దుగుమ్మ ఈ పూజ చేయించుకోవడానికి కారణం ఏంటనేది తెలియాల్సి ఉంది.