సినిమా తారల జీవితాలు పైకి బాగానే కనిపిస్తాయి కానీ.. తెర వెనుక తమ జీవితంలో ఎన్నో కష్టాలు, సమస్యలు ఉంటాయని చాలా మందికి తెలియదు. బాలీవుడ్‌లో స్టార్ హీరోయిన్‌గా వెలుగొందుతున్న రాణి ముఖర్జీ తాజాగా ఓ ఇంటర్వ్యూలో తన జీవితం గురించి చెప్పింది. రాణి ముఖర్జీ బాలీవుడ్‌లో 1990 దశకంలో స్టార్ హీరోయిన్‌గా వెలిగిపోయింది. సల్మాన్ ఖాన్, షారుక్ ఖాన్ వంటి స్టార్ హీరోల సరసన నటించి మంచి గుర్తింపు తెచ్చుకుంది. కెరీర్ పీక్‌లో ఉండగానే నిర్మాత ఆదిత్య చోప్రాను పెళ్లి చేసుకుంది. పెళ్లి తర్వాత రాణి ముఖర్జీ సినిమాలకు దూరంగా ఉంటోంది. రాణి ముఖర్జీ ఇటీవల ఓ ఇంటర్వ్యూలో మాట్లాడుతూ. దాదాపు ఏడేళ్లుగా రెండో సంతానం కోసం ప్రయత్నిస్తున్నానని, ఇప్పటికీ అది కుదరలేదని చెప్పింది. నా కూతురికి ఇప్పుడు ఎనిమిదేళ్లు.
ఆమెకు ఏడాదిన్నర వయసు నుంచి రెండో బిడ్డ కోసం ప్రయత్నించాను.. కానీ విఫలమైంది. గతంలో మళ్లీ గర్భం దాల్చాను. అయితే ఆ సంతోషం ఎంతో కాలం నిలవలేదు. నాకు గర్భస్రావం జరిగింది. తన కడుపులో ఉన్న రెండో బిడ్డను కోల్పోయినట్లుగా భావించింది. ఇప్పుడు నా వయసు 46 ఏళ్లు. ఇప్పుడు నేను బిడ్డను కనే స్థితిలో లేను. నా కూతురికి చెల్లిని, అన్నను ఇవ్వలేకపోయానన్న బాధ నన్ను ఇంకా వెంటాడుతూనే ఉంది. కానీ మనకు లభించిన దానితో మనం ఎప్పుడూ సంతోషంగా ఉండాలని నేను నేర్చుకున్నాను. నేను నా కుమార్తెతో చాలా సంతోషంగా ఉన్నాను. నాకు బిడ్డ పుట్టే వయసు దాటిపోయింది. ఇప్పుడు నాకు ఒక్కటి చాలు అని నా కూతురు అధిర చెప్పింది. కానీ తన మొదటి బిడ్డకు తోబుట్టువులను ఇవ్వలేకపోయాననే బాధ ఎప్పటికీ అలాగే ఉంటుందని రాణి ముఖర్జీ తెలిపింది.