Ram Pothineni : ప్రస్తుతం త్వరలోనే విడుదల అవ్వబోతున్న సినిమాల్లో అభిమానుల్లో మరియు ప్రేక్షకుల్లో భారీ అంచనాలు ఏర్పాటు చేసుకున్న చిత్రాలలో ఒకటి ‘స్కంద’. ‘అఖండ’ వంటి సెన్సేషనల్ బ్లాక్ బస్టర్ హిట్ తర్వాత బోయపాటి శ్రీను చేస్తున్న చిత్రం కావడం తో ఈ మూవీ పై అంచనాలు మామూలు రేంజ్ లో లేవు.
థియేట్రికల్ బిజినెస్ మరియు నాన్ థియేట్రికల్ బిజినెస్ ఈ రెండు కూడా స్టార్ హీరో సినిమాకి ఏ రేంజ్ లో జరుగుతాయో, అదే రేంజ్ లో జరిగాయి. ఈ స్థాయి లో ఈ చిత్రానికి డిమాండ్ ఉంది. ఇక రీసెంట్ గా ఈ సినిమా నుండి విడుదలైన పాటలు మరియు ట్రైలర్ కి ప్రేక్షకుల నుండి అద్భుతమైన రెస్పాన్స్ వచ్చింది. కమర్షియల్ సినిమాలను రొటీన్ గా ఫీల్ అయ్యే ప్రేక్షకులకు మాత్రం నచ్చలేదు కానీ, మాస్ ఆడియన్స్ కి మాత్రం తెగ నచ్చేసింది.
ఇక పోతే ఈ సినిమాకి సంబంధించిన మొదటి కాపీ ని రీసెంట్ గానే ప్రసాద్ ల్యాబ్స్ లో ప్రివ్యూ షో గా వేశారు. కొంతమంది మీడియా మిత్రులు మరియు సినీ పరిశ్రమకి చెందిన ప్రముఖులు ఈ షోని వీక్షించారు. వాళ్ళ నుండి అందుతున్న టాక్ ఏమిటంటే ఈ సినిమా గత బోయపాటి శ్రీనివాస్ సినిమాలకంటే అద్భుతంగా వచ్చిందని, ముఖ్యంగా యాక్షన్ సన్నివేశాలు ఇది వరకు ఎవ్వరూ చూడని విధంగా ఉన్నాయని, చివరి 20 నిముషాలు రక్తపాతం మామూలు రేంజ్ లో లేదంటూ టాక్ వినిపిస్తుంది.
ఇక ఈ సినిమాలో శ్రీలీల మరియు రామ్ కలిసి వేసిన డ్యాన్స్ నంబర్స్ కి థియేటర్స్ దద్దరిల్లిపోవడం ఖాయమని అంటున్నారు. కేవలం ఆ పాటల కోసమే టికెట్స్ కొనేయచ్చు అని, రీసెంట్ గా విడుదల అవ్వబొయ్యే సినిమాలలో ది బెస్ట్ గా ఈ చిత్రం నిలబడబోతుందని అంటున్నారు, చూడాలి మరి.