Rajamouli : ప్రస్తుతం టాలీవుడ్ మరియు బాలీవుడ్ బాక్స్ ఆఫీస్ ని షేక్ చేస్తున్న చిత్రం ‘ఎనిమల్’. సందీప్ వంగ దర్శకత్వం వహించిన ఈ సినిమాకి మొదటి ఆట నుండే యూత్ ఆడియన్స్ నుండి అద్భుతమైన రెస్పాన్స్ వచ్చింది. దానికి తగ్గట్టుగానే ఓపెనింగ్స్ రణబీర్ కపూర్ కెరీర్ లోనే హైయెస్ట్ గా వచ్చింది. ఇక తెలుగు లో అయితే ఈ సినిమాకి సంబంధించిన ప్రీ రిలీజ్ థియేట్రికల్ బిజినెస్ కేవలం 14 కోట్ల రూపాయలకు జరిగింది.
ఆ బ్రేక్ ఈవెన్ టార్గెట్ ని కేవలం రెండు రోజుల్లోనే దాటేసి సెన్సేషన్ ని సృష్టించింది ఈ చిత్రం. రీసెంట్ గా విడుదలైన షారుఖ్ ఖాన్ జవాన్ చిత్రం దాదాపుగా 30 కోట్ల రూపాయిల షేర్ తెలుగు వెర్షన్ కి రాబట్టింది. కానీ ‘ఎనిమల్’ చిత్రం మొదటి వారం పూర్తి అయ్యేలోపే ఆ మార్కుని దాటేస్తుందని చెప్పొచ్చు. ఫుల్ రన్ లో 50 కోట్ల రూపాయిల షేర్ వచ్చినా ఆశ్చర్యపోనక్కర్లేదు.
ఇదంతా పక్కన పెడితే ఈ సినిమాకి సంబంధించిన ప్రీ రిలీజ్ ఈవెంట్ కి సూపర్ స్టార్ మహేష్ బాబు మరియు రాజమౌళి హాజరైన సంగతి మన అందరికీ తెలిసిందే. రాజమౌళి ఈ ప్రీ రిలీజ్ ఈవెంట్ లో సందీప్ వంగ గురించి, అలాగే రణబీర్ కపూర్ గురించి ఎంతో గొప్పగా మాట్లాడుతాడు. డిసెంబర్ 1 మరియు 2 తేదీలలో నేను బిజీ గా ఉంటాను కాబట్టి, నవంబర్ 30 వ తేదీనే నేను సినిమాని ప్రత్యేకంగా చూస్తాను అని చెప్పుకొచ్చాడు రాజమౌళి.
కానీ సినిమా విడుదలై మూడు రోజులు దాటింది. కానీ ఇప్పటి వరకు అటు రాజమౌళి నుండి కానీ, ఇటు మహేష్ బాబు నుండి కానీ ఎలాంటి రెస్పాన్స్ రాలేదు. ప్రతీ సినిమా బాగుంటే ముందుగా పొగిడేందుకు సిద్ధం గా ఉండే మహేష్ బాబు మరియు రాజమౌళి ఎందుకు ‘ఎనిమల్’ గురించి ఇంకా స్పందించలేదు. సినిమా చూసారా?, లేకపోతే అడల్ట్ కంటెంట్ సినిమా కాబట్టి పాజిటివ్ చెప్తే బాగోదు అనుకున్నారా అనేది తెలియాల్సి ఉంది.
