Pushpa 2 : స్టైలిష్ స్టార్ అల్లు అర్జున్ హీరో గా నటిస్తున్న ‘పుష్ప : ది రూల్’ సినిమా కోసం యావత్తు భారత దేశం ఎంత ఆత్రుతతో ఎదురు చూస్తుందో ప్రత్యేకించి చెప్పనక్కర్లేదు.బాహుబలి 2 తర్వాత మన ఇండియన్స్ అంతలా ఎదురు చూస్తున్న సినిమా ఇదే.నేడు స్టైలిష్ స్టార్ అల్లు అర్జున్ పుట్టిన రోజు సందర్భంగా మైత్రీ మూవీ మేకర్స్ ఈ సినిమాకి సంబంధించిన టీజర్ ని విడుదల చేసారు.
మొన్ననే ఈ చిత్రం టీజర్ కి సంబంధించిన ప్రీ టీజర్ ని విడుదల చేసారు.పుష్ప ఎక్కడ అనే అంశం తో ఈ టీజర్ పై అభిమానుల్లో ఆత్రుత పెంచే ప్రయత్నం చేసారు.ఇక ఈరోజు విడుదల చేసిన మెయిన్ టీజర్ కి అభిమానులతో పాటుగా ఆడియన్స్ మైండ్ కూడా బ్లాక్ అయిపోయింది.ఈ టీజర్ చూసిన తర్వాత ఈ చిత్రం బాహుబలి 2 ని కూడా కొట్టేస్తుందని బలమైన నమ్మకం తో చెప్తున్నారు ట్రేడ్ పండితులు.
ఇక ఈ టీజర్ ఎలా ఉందొ ఒకసారి చూద్దాము.పుష్ప ఎర్ర చందనం సిండికేట్ కి యజమాని అయినా తర్వాత ఏమి జరిగింది అనే దానిపై ఈ టీజర్ మొత్తం చూపించారు.పుష్ప ని పోలీసులు కాల్చి చంపేశారని అందరూ అనుకుంటూ ఉంటారు.ఆయనని అభిమానించే వాళ్ళు పుష్ప కోసం ధర్నాలు, రాస్తారోకోలు చేస్తూ ఉంటారు.ఎందుకంటే పుష్ప తానూ సంపాదించిన డబ్బు మొత్తాన్ని పేద ప్రజల మంచి కోసం చేస్తునట్టు చూపించారు.
అలా టీజర్ మొత్తం ఫ్లాట్ గా వెళ్ళిపోతుంది అని అనుకుంటున్న సమయం లో పుష్ప జాడ తెలుస్తుంది.అడవి లో పులి అతనిని చూసి రెండు అడుగులు వెనక్కి వేసే షాట్ టీజర్ కి హైలైట్ గా నిల్చింది.కేవలం టీజర్ తోనే ఇంత గూస్ బంప్స్ వచ్చేలా చేస్తే ఇక సినిమా ఏ రేంజ్ లో ఉంటుందో ఊహించుకోవచ్చు.అల్లు అర్జున్ ఈ చిత్రం తో వెయ్యి కోట్ల రూపాయిల గ్రాస్ కొల్లగొట్టడం పక్కా అని ఫిక్స్ అయిపోవచ్చు.