Kalki 2898AD : పాన్ ఇండియన్ స్టార్ ప్రభాస్ హీరోగా నటించిన కల్కి 2898 ఏడి సినిమా బుధవారం ప్రపంచవ్యాప్తంగా గ్రాండ్గా విడుదల అయిన సంగతి తెలిసిందే. ఫస్ట్ డే ఫస్ట్ షోతోనే బ్లాక్ బస్టర్ టాక్‌ అందుకుంది ఈ సినిమా. ఇందులోని కంటెంట్, విజువల్స్, వి ఎఫ్ ఎక్స్, డైరెక్షన్ పరంగా ఆడియెన్స్ ను ఆకట్టుకుంది. ఇప్పటికే సినిమాపై, దర్శకుడు నాగ్‌ అశ్విన్ పై ప్రశంసలు వర్షం కురిపిస్తున్నారు సినిమా చూసిన వారు. భారీ బడ్జెట్, భారీ తారగణంతో, అదిరిపోయే యాక్షన్స్ సీన్స్‌, మహాభారతం విజువల్స్ అన్ని కూడా ప్రేక్షకులను కుర్చీలకు కట్టిపడేసేలా ఉన్నాయంటూ అభిప్రాయం వ్యక్తం చేస్తున్నారు. ఇక ఇందులో ప్రభాస్, అమితాబ్ మధ్య వచ్చే ప్రతి సీన్ సినిమా జనాలకు గూస్ బంప్స్ తెచ్చే విధంగా ఉన్నాయి. మహభారతానికి, కలియుగాంతానికి మధ్య లింక్ పెట్టి సైన్స్ ఫిక్షన్ బ్యాక్ డ్రాప్ తో సినిమా తెర‌కెక్కించాడు దర్శకుడు నాగ అశ్విన్.
ఈ సినిమా విజువల్స్ హాలీవుడ్ రేంజ్‌ లో ఉన్నాయని ప్రేక్షకులు చెబుతున్నారు. హాలీవుడ్ సినిమాలకు మన సినిమా ఏమాత్రం తక్కువ కాదంటున్నారు. దాదాపు రూ.600 కోట్ల బడ్జెట్ తో వైజయంతి మూవీస్ బ్యానర్ పై అశ్వినిదత్ ప్రతిష్టాత్మకంగా ఈ సినిమాను తెరకెక్కించారు. మొదటి రోజు రూ.200 కోట్లకు పైగా కలెక్ట్ చేయవచ్చన్న అంచనాల మధ్య సినిమా రిలీజ్ అయింది. ఇక తాజాగా ఫస్ట్ డే కలెక్షన్స్ పరంగా కల్కి 2898 ఏడి.. భారతీయ సినిమాల్లో మూడవ అతిపెద్ద ఓపెనింగ్ ను దక్కించుకుని బాక్సాఫీసు వద్ద రికార్డు సృష్టించింది. ఇండస్ట్రీ ట్రాకర్ సిక్నిల్క్ ఇచ్చిన నివేదిక ప్రకారం.. కల్కి భారతదేశంలో రూ.95 కోట్ల వరకు వసూళ్లను కొల్లగొట్టిందని తెలుస్తోంది.
గ్రాస్ కలెక్షన్ల ప్రకారం రూ.118 కోట్లుగా సమాచారం. అలాగే మొదటి రోజు ప్రపంచ వ్యాప్తంగా రూ.180 కోట్ల కలెక్షన్లను సాధించింది అత్యధిక వసూలు రాబట్టిన మూడో సినిమాగా కల్కి నిలిచింది. ఇప్పటివరకు దర్శక ధీరుడు రాజమౌళి తెర‌కెక్కించిన ట్రిపుల్ ఆర్ ఫస్ట్ డే రూ.223 కోట్ల కలెక్షన్లను రాబట్టింది. దేశంలో అత్యధిక కలెక్షన్లు రాబట్టిన మొదటి చిత్రంగా రికార్డు సృష్టించింది. ఇప్పటికే అదే కంటిన్యూ అవుతుంది. తర్వాత స్థానంలో బాహుబలి 2 ఫస్ట్ డే రూ.217 కోట్ల వసూలను దక్కించుకుంది. ఇక ఇప్పుడు కల్కి 2898 ఏడి రూ.180 కోట్ల కలెక్షన్లను రాబట్టి మూడో స్థానంలో దూసుకుపోతుంది. లాంగ్ రన్లో కల్కి ఎన్ని వేల కోట్లు కలెక్ట్ చేస్తుందో చూడాలి.