Pooja Hegde సోషల్ మీడియాలో మరోసారి తన అందమైన ఫొటోలతో అభిమానులను అలరించింది. ఈ బ్యూటీ లేటెస్ట్గా ప్రకృతి ఒడిలో ఎంజాయ్ చేస్తూ తీసుకున్న ఫొటోలను షేర్ చేసింది. ఇందులో పూజ బ్లూ కలర్ చుడీదార్లో సందడి చేసింది. నుదుట బొట్టు పెట్టుకుని.. తల్లో మల్లెపూలతో.. చెవికి ఝుంకాళతో అచ్చతెలుగు అమ్మాయిలా కనిపిస్తోంది. ప్రకృతి ఒడిలో జాలీగా గడుపుతూ కెమెరాకు పోజులిచ్చింది పూజ. చేతిలో ఓవైపు పూలు.. మరోవైపు కాయలు పట్టుకుని క్యూట్ క్యూట్గా కనిపించింది. ప్రస్తుతం పూజ ట్రెడిషనల్ ఫొటోలు నెట్టింట వైరల్ అవుతున్నాయి.
పూజ ఇటీవలే కిసీ కా భాయ్ కిసీ కీ జాన్ అనే సినిమాతో థియేటర్లలో సందడి చేసింది. ఈ చిత్రంలో పూజ బాలీవుడ్ స్టార్ హీరో సల్మాన్ ఖాన్ సరసన నటించింది. ఈ మూవీ రిలీజ్ అయిన మొదటి రోజు నెగిటివ్ టాక్తో నష్టాలు మూటగట్టుకున్నా.. రోజులు గడుస్తున్న కొద్ది కలెక్షన్లు మాత్రం మూటగట్టుకుంటోంది. ప్రస్తుతం విమర్శకుల పరంగా ఈ చిత్రం పెద్దగా ఆకట్టుకోకపోయినా.. కలెక్షన్లలో మాత్రం పెట్టుబడి రికవర్ అవుతున్నట్లు తెలుస్తోంది.
పూజ ఈ సినిమా ప్రమోషన్స్లో ఎక్కువగా ట్రెండీ ఔట్ఫిట్లలోనే కనిపించింది. కానీ తాజాగా ట్రెడిషనల్ లుక్లో కనిపించి అభిమానులను ఆకట్టుకుంది. ఈ లుక్లో బుట్టబొమ్మ చాలా ఫ్రెష్గా కనిపిస్తోంది. పూజ న్యూ లుక్ చూసి కుర్రాళ్లు ఫిదా అవుతున్నారు. సంప్రదాయ దుస్తుల్లో పూజ చాలా అందంగా కనిపిస్తోందని మాట్లాడుకుంటున్నారు. హార్ట్ ఎమోజీస్ను షేర్ చేస్తూ ఈ బుట్టబొమ్మపై తమకు ఉన్న ప్రేమను కురిపిస్తున్నారు.
పూజా హెగ్డే వరుసగా ఆరు ఫ్లాపులను మూటగట్టుకుంది. అయినా ఈ అమ్మడుకి అవకాశాలు మాత్రం తగ్గడం లేదు. వరుసగా సినిమాలు ఫ్లాప్ అవుతున్నా బుట్టబొమ్మకు తెగ ఛాన్సులు వస్తున్నాయి. ప్రస్తుతం పూజ త్రివిక్రమ్ దర్శకత్వంలో మహేశ్ బాబు సరసన ఓ సినిమాలో నటిస్తోంది. త్రివిక్రమ్-పూజ కాంబినేషన్ ఎప్పుడూ సూపర్ హిట్టే. మరి ఈ సినిమాతోనైనా పూజా హెగ్డే హిట్టు కొడుతుందా అనేది చూడాలి.