Payal Rajput : ఏ ఇండస్ట్రీ లో అయినా ఒక హీరోయిన్ సక్సెస్ కావాలంటే అందం తో పాటు నటన కూడా కచ్చితంగా ఉండాలి. ఈ రెండు కాకుండా ఆవగింజంత అదృష్టం అయినా ఉండాలి. అదృష్టం లేక అందం మరియు టాలెంట్ ఉన్నా కూడా స్టార్ హీరోయిన్ అవ్వలేక, ఇంకా అవకాశాల కోసం ఎదురు చూస్తున్న హీరోయిన్లు మన టాలీవుడ్ లో చాలా మంది ఉన్నారు.
అలాంటి హీరోయిన్స్ లో ఒకరు పాయల్ రాజ్ పుత్. ఆర్ ఎక్స్ 100 సినిమాతో ఇండస్ట్రీ కి హీరోయిన్ గా పరిచయమైనా ఈమె, ఆ తర్వాత చాలా సినిమాల్లో హీరోయిన్ గా నటించింది కానీ, అన్నీ బోల్డ్ తరహా పాత్రలే చెయ్యడంతో పెద్ద హీరోలు ఈమెకి అవకాశం ఇవ్వడానికి ఆసక్తి చూపలేదు. రీసెంట్ గానే ఈమె ‘మంగళవారం’ అనే చిత్రం తో మన ముందుకు వచ్చి భారీ హిట్ ని అందుకుంది. ఈ సినిమాలో ఆమె నటనకి మంచి మార్కులు పడ్డాయి.
ఈ సినిమా ఆ కెరీర్ ని మలుపు తిప్పుతుందేమో అని ఆశించింది కానీ అనుకున్న స్థాయిలో ఆఫర్స్ మాత్రం రావడం లేదు. ఇదంతా పక్కన పెడితే ‘కాంతారా’ వంటి సెన్సేషనల్ బ్లాక్ బస్టర్ హిట్ కి ప్రీక్వెల్ ని రిషబ్ శెట్టి తెరకెక్కిస్తున్న సంగతి మన అందరికీ తెలిసిందే. ఈ ప్రీక్వెల్ కి సంబంధించిన టీజర్ ని రీసెంట్ గానే విడుదల చెయ్యగా, దానికి ఆడియన్స్ నుండి అద్భుతమైన రెస్పాన్స్ వచ్చింది. అయితే ఈ ప్రీక్వెల్ లో కొంతమంది లేడీ ఆర్టిస్ట్స్ కావాల్సి వచ్చిందట.
ఇందుకోసం రిషబ్ శెట్టి ఆడిషన్స్ కాల్ ఇచ్చాడు. ఈ ప్రకటన చూసిన వెంటనే పాయల్ రాజ్ పుత్ స్పందించి ‘నా పేరు పాయల్ రాజ్ పుత్..రీసెంట్ గానే నేను ‘మంగళవారం’ అనే పెర్ఫార్మన్స్ కి స్కోప్ ఉన్న పాత్ర ఒకటి చేశాను, మీ సినిమాకి నేను సరిగ్గా సూట్ అవుతాను..దయచేసి నన్ను ఒక్కసారి ట్రై చెయ్యండి..నేను కచ్చితంగా మీ అంచనాలను రీచ్ అవుతాను’ అని సోషల్ మీడియాలో అడిగింది. ఎక్కడో ఉండాల్సిన హీరోయిన్, ఇలా అవకాశాలు ఇవ్వమని పబ్లిక్ గా అడగడం పై ఆమె ఫ్యాన్స్ ఫీల్ అవుతున్నారు.