OG Movie : ఒకప్పటి తో పోలిస్తే ఇప్పుడు థియేటర్స్ విషయం లో ఎన్నో టెక్నాలజీస్ మన ముందుకు వస్తున్నాయి. మెట్రో పాలిటన్ సిటీస్ లో ఉన్న మూవీ లవర్స్ కి పండగే అని చెప్పొచ్చు. అక్కడ వారికి 3 డీ థియేటర్స్ తో పాటుగా 4డీ,5 డీ థియేటర్స్ కూడా ఉన్నాయి. అలాగే ఐమాక్స్ థియేటర్స్ కూడా బోలెడన్ని ఉన్నాయి. సినిమా బాగున్నా బాగాలేకపోయిన కేవలం ఈ అనుభూతి కోసం థియేటర్స్ కి వెళ్లే ప్రేక్షకుల సంఖ్య చాలా ఎక్కువ.
రీసెంట్ గా విడుదలైన ప్రభాస్ ఆదిపురుష్ చిత్రం అందుకు ఉదాహరణ. ఈ సినిమాకి మొదటి ఆట నుండే డిజాస్టర్ టాక్ వచ్చింది. కానీ వీకెండ్ వరకు ఇండియా మొత్తం నాన్ స్టాప్ హౌస్ ఫుల్స్ పడ్డాయి, అందుకు కారణం 3డీ. ఇక రీసెంట్ సిటీస్ లో ఐమాక్స్ స్క్రీన్స్ బాగా ఎక్కువైపోయాయి. అందుకే ఈమధ్య నిర్మాతలు తమ సినిమాలకు ఐమాక్స్ కాపీ కూడా సిద్ధం చేయించుకుంటున్నారు.
RRR చిత్రం తో పాటుగా రీసెంట్ గా విడుదలైన ‘జవాన్’ చిత్రం కూడా ఐమాక్స్ ఫార్మటు లో విడుదలైన సినిమానే. త్వరలో రాబోతున్న ‘లియో’ మరియు ‘సలార్’ చిత్రాలు కూడా ఐమాక్స్ ఫార్మాటులో విడుదల అవ్వబోతున్నాయి. ఇప్పుడు పవర్ స్టార్ పవన్ కళ్యాణ్ హీరో గా నటిస్తున్న ‘ఓజీ’ చిత్రం కూడా ఐమాక్స్ ఫార్మాట్ లో కాపీ ని సిద్ధం చెయ్యాలనే ఆలోచనలో ఉన్నారట మేకర్స్.
ఇదే కనుక జరిగితే పాన్ ఇండియా లెవెల్ ఓజీ ప్రభంజనం ఎవ్వరూ ఊహించని రేంజ్ లో ఉంటుంది అని చెప్పొచ్చు. ఇకపోతే అక్టోబర్ 19 న విడుదల కాబోతున్న విజయ్ ‘లియో‘ చిత్రానికి ఓవర్సీస్ కాపీస్ లో ‘ఓజీ’ టీజర్ ని అటాచ్ చేశారట. అంటే నార్త్ అమెరికా ఐమాక్స్ స్క్రీన్స్ అన్నిట్లో ఓజీ టీజర్ ప్లే అవ్వబోతుంది అన్నమాట. ఆ అనుభూతి ఎలా ఉంటుందో చూడాలని పవన్ కళ్యాణ్ అభిమానులు ఆతృతగా ఎదురు చూస్తున్నారు.