పవర్ స్టార్ పవన్ కళ్యాణ్ మరియు డైరెక్టర్ సుజిత్ కాంబినేషన్ లో #OG అనే చిత్రం తెరకెక్కుతున్న సంగతి అందరికీ తెలిసిందే. ఈ సినిమాకి సంబంధించిన షూటింగ్ కార్యక్రమాలు శరవేగంగా సాగుతున్నాయి. పవన్ కళ్యాణ్ ప్రస్తుతం తాను చేస్తున్న సినిమాలలో అమిత శ్రద్ద చూపిస్తున్న చిత్రం ఇదే. అంతే కాదు , ఫ్యాన్స్ మరియు ఆడియన్స్ లో ఈ చిత్రం పై ఉన్న అంచనాలు మామూలు రేంజ్ కాదు.
ఒకప్పుడు పవన్ కళ్యాణ్ జల్సా సినిమాకి ఏ రేంజ్ అంచనాలు ఉండేవో, ఆ రేంజ్ అంచనాలు ఈ సినిమా మీద కూడా ఉన్నాయి. దానికి తోడు ఈ చిత్రం లో పని చేసే ప్రతీ ఒక్కరు సినిమా స్క్రిప్ట్ అద్భుతంగా వచ్చిందని, ఈ సినిమా విడుదలైన తర్వాత బౌండరీస్ మొత్తం బ్లాస్ట్ అవుతాయని, పాన్ ఇండియా లెవెల్ లో సునామి సృష్టించడం ఖాయం అని అంటుండడంతో అంచనాలు పదింతలు అయ్యాయి.
ఇక పోతే మొన్ననే ప్రారంభం అయ్యినట్టు అనిపిస్తున్న ఈ సినిమా అప్పుడే 50 శాతం షూటింగ్ ని పూర్తి చేసుకుందట. కాసేపటి క్రితమే మూవీ టీం అధికారిక ప్రకటన చేసింది. డ్రామా , యాక్షన్ సన్నివేశాలతో మూడవ షెడ్యూల్ పూర్తి అయ్యిందని. ఇక్కడితో సినిమాకి సంబంధించి 50 శాతం షూటింగ్ అయిపోయిందని, రాబొయ్యే రోజుల్లో సెన్సేషనల్ అప్డేట్ కోసం ఎదురు చూడండి అంటూ కాసేపటి క్రితమే ట్విట్టర్ లో ట్వీట్ వేసింది డీవీవీ దానయ్య సంస్థ.
పవన్ కళ్యాణ్ ఇక కేవలం 30 రోజుల కాల్ షీట్స్ ఇచ్చేస్తే సినిమా షూటింగ్ మొత్తం అయిపోతుందని. డిసెంబర్ నెలలో ఈ సినిమాని గ్రాండ్ గా పాన్ ఇండియా లెవెల్ లో విడుదల చేసేందుకు సన్నాహాలు చేస్తున్నారని తెలుస్తుంది. ఈ సినిమాలో హీరోయిన్ గా ప్రియాంక మోహన్ నటిస్తుండగా, విలన్ గా ఇమ్రాన్ హష్మీ నటిస్తున్నాడు. ఆయన కూడా రీసెంట్ గానే షూటింగ్ లో పాల్గొన్నాడు. కొత్త షెడ్యూల్ కి సంబంధించిన వివరాలు అతి త్వరలోనే తెలియచెయ్యనుండి మూవీ టీం.
