Pavitra Naresh : గత కొద్ది రోజులుగా పవిత్రా లోకేష్ – నరేష్ ల పేర్లు తెగ వినిపిస్తున్నాయి.. నిజంగానే యంగ్ లవర్స్ మాదిరి చెట్టపట్టాలేసుకొని తిరుగుతూ జనాల్లో మంచిది క్రేజ్ ను అందుకున్నారు.నటుడు నరేష్ సోషల్ మీడియాలో షేర్ చేసిన ఓ పెళ్లి వీడియో ప్రకంపనలు సృష్టించిన సంగతి తెలిసిందే. ఆ వీడియోతో వారిద్దరు పెళ్లి చేసుకున్నారంటూ వార్తలు వచ్చాయి. అనంతరం వారిద్దరూ దుబాయ్ లో షికార్లు చేసిన వీడియోలు మీడియాల్లో హల్ చల్ చేశాయి. అయితే మూడో భార్య రమ్య రఘుపతికి విడాకులు ఇవ్వకుండా పెళ్లి చేసుకోవడంపై దుమారమే రేగింది. ఇటీవల విడుదల చేసిన ఓ పోస్టర్‌తో..
వీరి పెళ్లిపై క్లారిటీ వచ్చింది..అది మళ్లీ పెళ్లి అనే సినిమా షూటింగ్‌లో భాగమని, అదొక పబ్లిక్ స్టంట్ అని అర్థమైంది. అయితే ఈ జంట ఏ కార్యక్రమానికి వెళ్లినా చెట్టపట్టాలేసుకుని తిరుగుతూ మీడియా కంటికి చిక్కుతున్నారు. తాజాగా నరేష్, పవిత్రల జంట ఆంధ్రప్రదేశ్‌లోని పశ్చిమ గోదావరిలో సందడి చేసింది. కాళ్ల మండలంలోని ఏలూరు పాడులో ఆదివారం ఓ ప్రైవేట్ కార్యక్రమానికి హజరయ్యారు. అందుకు సంబందించిన వీడియో ఒకటి నెట్టింట వైరల్ గా మారింది.. వీరిద్దరి మధ్య ఏం ఉందా అని జనాలు ఆలోచనలో పడ్డారు..
ఇక అక్కడ స్థానికంగా ఉండే అల్లూరి సీతారామరాజు, అంబేడ్కర్‌ విగ్రహాలకు పూలమాలలు వేసి నివాళులర్పించారు. అనంతరం అమ్మవారి ఆలయంలో ప్రత్యేక పూజలు చేశారు. సినీ నటులు నరేష్, పవిత్ర వచ్చారన్న విషయం తెలుసుకున్న జనాలు అక్కడికి చేరుకున్నారు.. నాలుగేళ్లుగా సహజీవనంలో తాము త్వరలో పెళ్లి చేసుకుంటామని ప్రకటించాడు నరేష్.
అయితే ఈ జంట పెళ్లి పీటలు ఎక్కుతుందో లేదో చూడాలి. వీరిద్దరూ కలిసి నటిస్తున్న మళ్లీ పెళ్లి అనే సినిమా త్వరలో విడుదల కాబోతుంది. ఈ సినిమాకు ఎం ఎస్ రాజు దర్శకత్వం వహిస్తున్నారు. ఇటీవలే మేకర్స్‌ సినిమా ఫస్ట్ లుక్, గ్లింప్స్ వీడియోను విడుదల చేశారు. ఫ్యామిలీ ఎంటర్టైనర్ గా ఈ సినిమాను తెరకెక్కిస్తున్నారు. విజయ కృష్ణ మూవీస్ బ్యానర్‌లో ఈ సినిమాను నరేష్ నిర్మిస్తున్నారు. దీంతో పాటు శకునములే సినిమాతో పాటు పలు సినిమాల్లో నరేష్ నటిస్తున్నారు.. వీరిద్దరి మధ్య అసలేం ఉందో తెలియాలంటే కొద్ది రోజులు వెయిట్ చెయ్యాల్సిందే..