Kalki2898 AD : ప్రపంచవ్యాప్తంగా యావత్ సినీ అభిమానులు ఎప్పుడెప్పుడా అని ఎదురుచూస్తున్న కల్కి సినిమా ఈరోజు గ్రాండ్ గా రిలీజ్ అయ్యింది.. ప్రీమియర్ షోలతో పాజిటివ్ టాక్ ను అందుకున్న ఈ సినిమా ఈరోజు థియేటర్లలోకి వచ్చేసింది.. సినిమా విడుదలకు ముందు ఎలాంటి టాక్ ను అందుకుందో ఈరోజు అంతకు మించి పాజిటివ్ టాక్ తో దూసుకుపోతుంది.. మొదటి షోతోనే మంచి మార్కులు పడ్డాయి.. ఈ సినిమాను డైరెక్టర్ నాగ్ అశ్విన్ విజువల్ వండర్ గా చూపించారు.. ఒక్కో పాత్రను హైలెట్ చేస్తూ సినిమాను అద్భుతంగా చూపించారు.. అయితే సినిమా ప్రస్తుతం హిట్ టాక్ ను అందుకున్న నేపథ్యంలో కల్కి సీక్వెల్ గురించి అప్పుడే వార్తలు నెట్టింట వినిపిస్తున్నాయి..
పాన్ ఇండియా స్టార్ హీరో ప్రభాస్ నుంచి వచ్చే సినిమాలంటే అంచనాలు ఓ రేంజులో ఉంటాయి.. ఈ సినిమా కూడా భారీ అంచనాలతో థియేటర్లలోకి వచ్చింది.. ఈ సినిమాను చూసేందుకు ప్రేక్ష‌కులు థియేట‌ర్ల‌కు క్యూ క‌డుతున్నారు. నాగ్ అశ్విన్ తెర‌కెక్కించిన ఈ సినిమా బాక్సాఫీస్ రికార్డుల‌ను తిర‌గరాసేందుకు రెడీ అయ్యింది. ఇక ఈ సినిమా రిలీజ్ కు ముందు హీరో ప్రభాస్, ద‌ర్శ‌కుడు నాగ్ అశ్విన్ ఇన్స్టా లైవ్ లోకి వ‌చ్చి పలు విషయాలను పంచుకున్నారు.. అందులో భాగంగా ఎన్నో ఆసక్తికర విషయాలను పంచుకున్నారు..
అలాగే కల్కి పార్ట్-2 కూడా ఉండ‌బోతుంద‌ని వారి మాట‌ల ద్వారా తెలిసింది. అయితే, ఈ కల్కి పార్ట్-2 కి టైటిల్ పై ఆ లైవ్ లో అభిమానులు చ‌ర్చించారు. కల్కి సీక్వెల్ పార్ట్ కి ఇంట్రెస్టింగ్ టైటిల్ ఉండాల‌ని ఓ అభిమాని సూచించాడు. ‘కల్కి 3102 BC’ అయితే ఆ సీక్వెల్ పార్ట్ కి ప‌ర్ఫెక్ట్ టైటిల్ అని అత‌డు చెపుకొచ్చాడు.. ఆ సంవత్సరం శ్రీకృష్ణుడు మానవ శరీరాన్ని వదిలి వెళ్లాడు.. అదే సినిమా టైటిల్ అయితే జనాలకు అర్థమవుతుందని నాగి చెప్పాడు.. దీంతో, రాబోయే కల్కి పార్ట్-2 సినిమాకు ఈ టైటిల్ పెట్టినా ఆశ్చ‌ర్యప‌డాల్సిన పనిలేద‌ని కొంద‌రు అభిమానులు సోషల్ మీడియాలో రచ్చ చేస్తున్నారు.. ఏది ఏమైనా కల్కి మేనియా నెట్టింట ఊగిపోతుంది.. మరి కలెక్షన్స్ ఎలా ఉంటాయో చూడాలి..