ప్రభాస్ తో సినిమా అంటే మాటలు కాదు, ఏమాత్రం తేడా వచ్చినా అభిమానులు రక్కేస్తారు. ఆ భయం మేకింగ్ లో ఏమాత్రం చూపకుండా ఎంతో అద్భుతంగా ‘కల్కి’ చిత్రాన్ని తీసి బాక్స్ ఆఫీస్ వద్ద వెయ్యి కోట్ల రూపాయిల గ్రాస్ ని కొల్లగొట్టి చరిత్ర సృష్టించాడు. అయితే నాగ అశ్విన్ గురించి ఎవరికీ తెలియని మరో నిజం ఏమిటంటే, ఆయన మొదటి సినిమాని రామ్ చరణ్ తో చేయించాలని అనుకున్నాడట అశ్వినీ దత్. కానీ ఎందుకో ఆ ప్రాజెక్ట్ వర్కౌట్ అవ్వలేదు. ఆ తర్వాత పవర్ స్టార్ పవన్ కళ్యాణ్ తో చెయ్యాలని ప్రయత్నాలు చేశారట. అశ్వినీదత్ రిక్వెస్ట్ మేరకు పవన్ కళ్యాణ్ అప్పట్లో నాగ అశ్విన్ చెప్పిన స్టోరీ ని కూడా విన్నాడట.
ఆయనకి చాలా బాగా నచ్చింది , కచ్చితంగా సినిమా చేద్దాం, కాకపోతే ముందు నేను కొన్ని చిత్రాలు కమిట్ అయ్యి ఉన్నాను, అవి పూర్తి చేసుకున్నాక కబురు పంపుతాను అని చెప్పాడట. కానీ మధ్యలో పవన్ కళ్యాణ్ రాజకీయాల్లో బిజీ అవ్వడం, ఆ తర్వాత పరిణామాలు మొత్తం మారిపోవడంతో ఈ ప్రాజెక్ట్ ఇప్పటి వరకు పట్టాలు ఎక్కలేకపోయింది. మరి భవిష్యత్తులో అయినా ఈ ప్రాజెక్ట్ ఉంటుందో లేదో చూడాలి. ఇప్పుడు పవన్ కళ్యాణ్ ఆంధ్ర ప్రదేశ్ రాష్ట్రానికి ఉప ముఖ్యమంత్రిగా పని చేస్తున్నాడు, ఆయన చేతిలో 5 మంత్రిత్వ శాఖలు కూడా ఉన్నాయి, అలాగే పూర్తి చెయ్యాల్సిన సినిమాలు కూడా మూడు ఉన్నాయి, ఇలాంటి పరిస్థితిలో వీళ్లిద్దరి ప్రాజెక్ట్ సెట్స్ మీదకు వెళ్తుందా లేదా అనేది చూడాలి.
