Naa Saami Ranga : చాలా కాలం నుండి అక్కినేని నాగార్జున కి బాక్స్ ఆఫీస్ వద్ద సరైన బ్లాక్ బస్టర్ హిట్ లేదనే విషయం మన అందరికీ తెలిసిందే. మధ్యలో ‘బంగార్రాజు’ అనే సినిమా బాగానే ఆడినప్పటికీ, అది నాగ చైతన్య క్రెడిట్ లోకి వెళ్ళిపోయింది. నాగార్జున నటించిన సినిమాలన్నీ కూడా ఈమధ్య కనీసం 10 కోట్ల రూపాయిల షేర్ మార్కుని కూడా అందుకోలేకపోతున్నాయి.
కానీ ఇప్పుడు ఆయన హీరో గా నటించిన ‘నా సామి రంగ’ చిత్రంపై మాత్రం అభిమానులు భారీ అంచనాలు పెట్టుకున్నారు. ఎందుకంటే నాగార్జున చాలా కాలం తర్వాత చేస్తున్న పూర్తి స్థాయి కమర్షియల్ సినిమా ఇది. అభిమానుల్లో ఇప్పటికీ ప్రయోగాలే చేస్తున్నాడని, దాని వల్ల ఆయన మార్కెట్ మొత్తం పోయిందని బాధ ఉండేది. కానీ ఇప్పుడు ‘నా సామి రంగ’ తో అభిమానుల్లో ఆ ఆకలి తీరబోతుంది అని టీజర్ ని చూస్తేనే అర్థం అయ్యింది.
ఇక పోతే ఈ చిత్రం లో నాగార్జున తో పాటుగా అల్లరి నరేష్ మరియు రాజ్ తరుణ్ ముఖ్య పాత్రలు పోషించారు. వాళ్లకు సంబంధించిన ఫస్ట్ లుక్ పోస్టర్స్ కి కూడా మంచి రెస్పాన్స్ వచ్చింది. ఇకపోతే ఈ సినిమాకి సంబంధించిన ప్రివ్యూ షో ని రీసెంట్ గానే కొంతమంది సినీ ప్రముఖులకు వేసి చూపించారు మేకర్స్. వాళ్ళ నుండి వచ్చిన రెస్పాన్స్ ఇప్పుడు సోషల్ మీడియా లో హాట్ టాపిక్ గా మారింది.
సంక్రాంతికి కావాల్సిన పర్ఫెక్ట్ కమర్షియల్ సినిమా ఇదేనని, మాస్ ఎలిమెంట్స్ తో పాటుగా, డ్రామా కూడా చాలా చక్కగా పండిందని, కమర్షియల్ మూవీ లవర్స్ కి ఈ సినిమా ఒక పండగే అని అంటున్నారు. ముఖ్యంగా హీరోయిన్ ఆషిక రంగనాథ్ క్యారక్టర్ ఈ చిత్రానికి హైలైట్ గా నిలుస్తుంది అట. నాగార్జున మరియు ఆషిక రంగనాథ్ మధ్య వచ్చే లవ్ స్టోరీ నాగార్జున కెరీర్ లో బెస్ట్ గా ఉంటుందని టాక్. మరి ఈ టాక్ ని పబ్లిక్ టాక్ కూడా మ్యాచ్ చేస్తుందో లేదో తెలియాలంటే 14 వ తారీఖు వరకు ఎదురు చూడాల్సిందే.
