Bro Movie : కోట్లాది మంది అభిమానులు ఎప్పుడెప్పుడా అని వెయ్యి కళ్ళతో ఎదురు చూస్తున్న ‘బ్రో ది అవతార్’ చిత్రం ఈ నెల 28 వ తారీఖున విడుదల అవ్వబోతున్న సంగతి అందరికీ తెలిసిందే. దీంతో ఈ సినిమాకి సంబంధించిన ప్రొమోషన్స్ ని గ్రాండ్ గా ప్రారంభించేసారు మేకర్స్. ఇప్పటికే ఈ సినిమా నుండి విడుదల చెయ్యబడ్డ టీజర్ మరియు మొదటి లిరికల్ వీడియో సాంగ్ కి ఫ్యాన్స్ మరియు ఆడియన్స్ నుండి మంచి రెస్పాన్స్ వచ్చింది.
ఇక ఈ నెల 15 వ తారీఖున ఈ చిత్రానికి సంబంధించిన రెండవ లిరికల్ వీడియో సాంగ్ ‘జానవులే’ ని విడుదల చెయ్యబోతున్నారు మేకర్స్. ఇది ఇలా ఉండగా కాసేపటి క్రితమే మొదటి లిరికల్ వీడియో సాంగ్ కి సంబంధించిన మేకింగ్ వీడియో ని విడుదల చేసారు. ఈ వీడియో ఇప్పుడు సోషల్ మీడియా లో సెన్సేషన్ సృష్టిస్తూ ముందుకు దూసుకుపోతుంది.
ఒక విధంగా చెప్పాలంటే మొన్న విడుదల చేసిన పాట కంటే కూడా ఈరోజు విడుదల చేసిన మేకింగ్ వీడియో ఫ్యాన్స్ కి తెగ నచ్చేసింది. ఈ మేకింగ్ వీడియో లో పవన్ కళ్యాణ్ లుక్స్ చాలా స్టైలిష్ గా ఉన్నాయి. ఇక తన అల్లుడితో సరదాగా గడిపిన క్షణాలు అభిమానులకు కనుల పండుగ లాగ అనిపించింది. సాంగ్ లో పవన్ కళ్యాణ్ డ్యాన్స్ వేసినట్టు ఎక్కడా చూపించలేదు కానీ, మేకింగ్ వీడియో లో మాత్రం పవన్ కళ్యాణ్ డ్యాన్స్ వెయ్యడం చూపించారు.
దీనిని బట్టీ ఈ పాటకి కూడా థియేటర్స్ లో ఫ్యాన్స్ హంగామా మరో లెవెల్ లో ఉంటుంది అని ఊహించవచ్చు. థమన్ సంగీతం అందించిన ఈ చిత్రం లో ఇంకా మూడు పాటలు ఉన్నాయి. అందులో ఒకటి 15 వ తారీఖున విడుదల కాబోతుండగా, ఇంకోటి వచ్చే వారం లో విడుదల కాబోతుంది.