Medha Bahri : బుల్లితెర మీద ప్రభంజనం సృష్టించిన టీవీ సీరియల్స్ లిస్ట్ తీస్తే అందులో మొగలిరేకులు సీరియల్ ముందు వరుసలో ఉంటుంది .మంజుల నాయుడు దర్శకత్వం లో తెరకెక్కిన ఈ సీరియల్ సుమారుగా మూడు సంవత్సరాల పాటుగా రన్ అయ్యింది. ప్రతీ ఎపిసోడ్ ఎంతో ఉత్కంఠభరితంగా, సినిమాల్లో కూడా లేనటువంటి హీరోయిజమ్ ని ఈ సీరియల్ లో చూపిస్తుంది మంజుల నాయుడు.ముఖ్యంగా ఆర్కే నాయుడు మరియు మున్నా పాత్రలు అయితే జనాలు ఇప్పటికీ మర్చిపోలేరు.వీళ్ళతో పాటుగా ఈ సీరియల్ లో కీర్తన మరియు సింధు వంటి రెండు విభిన్నమైన పాత్రలలో నటించిన ‘మేధా’ ని కూడా అంత తేలికగా ఎవ్వరూ మర్చిపోలేరు.అందమైన ముఖ వర్చస్సుతో ముట్టుకుంటే మాసిపోతుందేమో అనే రేంజ్ లో ఉండే ఈమె అంతకుముందు ఇదే మంజుల నాయుడు తెరకెక్కించిన చక్రవాకం సీరియల్ లో కూడా నటించింది.ఆ తర్వాత అపరంజి మరియు సూర్య పుత్రుడు వంటి సీరియల్స్ లో చేసిన మేధా ప్రస్తుతం సినిమాలకు సీరియల్స్ కి దూరంగా ఉంటుంది.
సినిమాల్లో పెద్ద స్టార్ హీరోయిన్ గా ఎదిగేందుకు కావాల్సిన అన్నీ అర్హతలు ఉన్నప్పటికీ కూడా మేధా కి ఎందుకో ఆ రేంజ్ లో అవకాశాలు మాత్రం రాలేదు.కేవలం చిన్న చిన్న పాత్రలకు మాత్రమే ఆమె పరిమితం అయిపోయింది.ఆమె చివరిసారిగా వెండితెర మీద కనిపించిన చిత్రం రాజేంద్ర ప్రసాద్ ప్రధాన పాత్రలో నటించిన ‘మీ శ్రేయోభిలాషి’.ఇందులో ఆమె రాజేంద్ర ప్రసాద్ కూతురు గా నటించింది.ఆ తర్వాత ఈమె సుమిత్ బెహెరీ అనే అతనిని పెళ్ళాడి నటన జీవితానికి శాశ్వతంగా గుడ్ బై చెప్పేసింది.ఈమె వ్యక్తిగత జీవితం ని ఒకసారి పరిశీలిస్తే మేధా అమ్రిత్సర్ కి చెందిన అమ్మాయి.కానీ ఆమె తల్లితండ్రులు పాతికేళ్ల క్రితమే హైదరాబాద్ కి షిఫ్ట్ అయ్యారట.ఇదంతా పక్కన పెడితే మేధా పబ్లిక్ అడ్మినిస్ట్రేషన్ లో గ్రాడ్యుయేషన్ పట్టా పొందింది.ఇది కేవలం ఆమె తల్లితండ్రులు కోసమే చేసింది.కానీ ఆమెకి మొదటి నుండి మోడలింగ్ రంగం మీద అమితాసక్తి ఎక్కువ.
అలా మోడలింగ్ రంగం లో అడుగుపెట్టిన మేధా అనతికాలం లోనే టాప్ స్థాయికి చేరుకుంది. చక్రవాకం సీరియల్ లో నటించడానికి ముందు ఆమె దాదాపుగా 150 కి పైగా కమర్షియల్ యాడ్స్ లో నటించి మంచి పాపులారిటీ ని సంపాదించింది. ఆ పాపులారిటీ తోనే సీరియల్స్ లో అవకాశాలు సాధించి ఒక వెలుగు వెలిగింది. పెళ్లి తర్వాత గృహిణి గా బాగా బిజీ అవ్వడం తో కెరీర్ కి టాటా చెప్పేసి ప్రశాంతం తో సంసారం ని కొనసాగిస్తుంది. ఈమె భర్త సుమిత్ యునైటెడ్ హెల్త్ గ్రూప్స్ లో పని చేస్తున్నాడు, వీళ్లిద్దరికీ ఒక కొడుకు కూడా ఉన్నాడు.ఈమెకి సంబంధించిన కొన్ని లేటెస్ట్ ఫోటోలు ఎక్సక్లూసివ్ గా మీకోసం క్రింద అందిస్తున్నాము చూడండి.
